بایدن ستافێك بۆ كۆشكی سپی هەڵدەبژێرێت
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

بایدن ستافێك بۆ كۆشكی سپی هەڵدەبژێرێت

 

 

سەرۆكی هەڵبژێردراوی ئەمریكا (جۆو بایدن) ڕایگەیاند، (9) بەرپرسی دیاری كەمپینی هەڵبژاردنەكانی بۆ كۆمەڵێك پۆستی باڵای كۆشكی سپی دیاریكردووە، ئەمەش لە چوارچێوەی پێكهێنانی بەڕێوبەرایەتیەكەیدا.

لە بەیاننامەكەی بایدندا هاتووە دەڵێت، ئەمریكا ڕووبەڕووی كێشەی گەورە بۆتەوە، ئەم نۆ كەسە ڕاوبۆچوونی هەمەڕەنگیان هەیەو پێكەوە پابەندن بە بەرپەرچدانەوەی ئەم كێشانە تاوەكو وڵاتەكە بە یەكگرتوویی و بەهێزییەوە بهێنە دەرەوە تیایاندا.

بایدن بەنیازە لە مانگەكانی داهاتوودا سەدان كەس لە پۆستەكانی كۆشكی سپیدا دابنێت، لەنێویاندا بەڕێوبەری كەمپینی هەڵبژاردنەكانی (جین ئۆماڵی دیلۆن) وەكو جێگری سەرۆكی دەستەی كۆشكی سپی.

ئۆماڵی تەمەن (44) ساڵ لەژێر فەرمانی (ڕۆن كلەین) دا كاردەكات كە هەفتەی ڕابردوو (جۆو بایدن) وەكو سەرۆكی دەستەی كۆشكی سپی دەستنیشانی كرد.

بایدن یاریدەدەری بەڕێوبەری كەمپینەكەی (سیدریك ڕیچمۆند) ی وەكو ڕاوێژكاری باڵای دەستنیشان كردووە.

(ڕۆن كلەین) لە بەیاننامەیەكدا وتی، ئەو تیمەی كە دەستمان كردووە بە پێكهێنانی دەتوانێت لە یەكەمین ڕۆژەوە ڕووبەڕووی كێشەكانی وڵاتەكەمان ببێتەوە.

بایدن سەرۆكی كارمەندانی خانمی یەكەم (جیڵ بایدن) و گەورە ڕاوێژكارەكەشی دیاریكردووە، بە هەمان شێوە ڕاوێژكاری یاسایی و بەڕێوبەری ئەركەكانی ئۆفیسەكەی دەستنیشان كردووە.

هه‌واڵی گرنگ