بەرپرسی مەڵبەندی دووی هەولێری یەكگرتوو لە ساڵیادی شەهیدی مینبەر پەیامێكی بڵاوكردەوە
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

بەرپرسی مەڵبەندی دووی هەولێری یەكگرتوو لە ساڵیادی شەهیدی مینبەر پەیامێكی بڵاوكردەوە

بەرپرسی مەڵبەندی دووی هەولێری یەكگرتوو لە ساڵیادی شەهیدی مینبەر پەیامێكی بڵاوكردەوەو رایدەگەیەنێت لە دەستدانی د. هۆشیار کۆستێکی گەورە بوو بۆ میللەتەکەمان و  داوا  لە لایەنە پەیوەندیدارەکانیش دەكات بەوزوترین کات تاوانباران بە سزای خۆیان بگەیەنرێن و چیتر دەستی دەستی بەو کەیسە نەکرێت.

لەسالیادی شەهیدكردنی دكتۆر هۆشیار ئیسماعیل مامۆستا ئەبوبەكر سلێمان بەرپرسی مەڵبەندی دووی هەولێری یەكگرتووی ئیسلامی كوردستان پەیامێكی بڵاوكردەوەو رایدەگەیەنێت:چوار ساڵ بەر لە ئێستا و لە ڕۆژێکی وەک ئەمڕۆ دەستێکی چەپەڵی پیس بە عەقڵێکی نەزۆک و بیرێکی جاهیلانەو هزرێکی چەقبەستوی کۆنەپەرستانە، بارگاوی بە ڕەوشتێکی ئەبوجەهلانە و دڕندانە هێرشی کردە سەر مێزەری سپی و میراتگرێکی سەروەری مرۆڤایەتی (صلی الله علیە وسلم) و مینبەرێکی چاکەخوازی و چاکەکاری و موصلیحێکی کۆمەڵگەیی خامۆش کردو بەشێکی زۆری هەتیوان و تامەزرۆیانی زانست و زانیاری و هەژارو نەدارو پەککەوتەکانی شاری بێ ئومێد و بێ ناز کرد.

ئاماژە بەوەش دەكات :لە دەستدانی د. هۆشیار کۆستێکی گەورە بوو بۆ میللەتەکەمان و بۆ حوجرەو مینبەرو قوتابیانمان، ئەو زانا هۆشیار و پڕ لە زانیارییە، قەڵایەک بوو لە ڕووناکی و هونەرو پەیامداری؛ سەرتاپا ڕۆح و دەرون و هزرو بیری داپۆشراو بوو بە پەروەردەی دروست و زانست و زانینێک کە بووبووە ڕێنیشاندەری خۆشەویستی و گیانی لێبووردەیی و پێکەوەژیان و پێگەیاندن و ئاراستەی نەوەکان و تاکەکانی کۆمەڵگە و سەرجەم هاووڵاتیان.

لە پەیامەكەدا داوا  لە لایەنە پەیوەندیدارەکان دەكات بەوزوترین کات تاوانباران بە سزای خۆیان بگەیەنرێن و چیتر دەستی دەستی بەو کەیسە نەکرێت.

 

دەقی پەیامەكەی بەرپرسی مەڵبەندی دووی هەولێری یەكگرتوو/

 

پەیامە سۆزێک بۆ شەهیدەکەی میحراب..

چوار ساڵ بەر لە ئێستا و لە ڕۆژێکی وەک ئەمڕۆ دەستێکی چەپەڵی پیس بە عەقڵێکی نەزۆک و بیرێکی جاهیلانەو هزرێکی چەقبەستوی کۆنەپەرستانە، بارگاوی بە ڕەوشتێکی ئەبوجەهلانە و دڕندانە هێرشی کردە سەر مێزەری سپی و میراتگرێکی سەروەری مرۆڤایەتی (صلی الله علیە وسلم) و مینبەرێکی چاکەخوازی و چاکەکاری و موصلیحێکی کۆمەڵگەیی خامۆش کردو بەشێکی زۆری هەتیوان و تامەزرۆیانی زانست و زانیاری و هەژارو نەدارو پەککەوتەکانی شاری بێ ئومێد و بێ ناز کرد.

هەواڵی شەهید بوونی د.هۆشیار هەموومانی توشی شۆک کردو یەکسەر گوتمان دەبێ چ بێ ویژدان و لە مرۆڤ شوراوە ئەو کارە قێزەونەی کردبێ، بەڵێ ئەوکاتە و بە بیستنی ئەو هەواڵە موچرک هێنە لە مانای لاوازی و لەرزۆکی قەڵەمی دەستمان و ئەژنۆ شکاویمان تێگەیشتین، هەر لەو ساتەوەی ئەو هەواڵە بروسکە ئاسایە بەسەر سەری داداین نە هیچ شتێک تامی خۆی ماوەو نەهیچ گەڵایەکی خەیاڵمان سەوز ماوە.. بەڵێ هۆشیارەکەم..

زۆر سەختە بۆ ئێمەی شاگردی ڕێبازەکەت لەسەر خوێنی بە ناحەق ڕژاوت بنوسین؛ چونکە ژیان لە ڕۆژەکانی پێش ژیانت ناچێت و هەناسەی ئاساییمان بۆ هەڵنامژرێ..

ئێمە دەمانزانی تۆ گەورەیت و بۆخواصوڵحاویت.. هەموو کات تامەزرۆیی دیدارت بووین و بەهرەمەندیش بە وتەی جوان و زانست و زانیاری و مامەڵەی جوان و مانا ئیمانیەکانت، بەڵام هەرگیز نەماندەزانی کۆچت ئەوەندە بە سوێیە و ڕۆیشتنت ئەم کۆستە گەورەیە لە ناخ و دڵ و دەرونمان و کۆمەڵگە دروست دەکات..

بەڵێ لە دەستدانی د. هۆشیار کۆستێکی گەورە بوو بۆ میللەتەکەمان و بۆ حوجرەو مینبەرو قوتابیانمان، ئەو زانا هۆشیار و پڕ لە زانیارییە، قەڵایەک بوو لە ڕووناکی و هونەرو پەیامداری؛ سەرتاپا ڕۆح و دەرون و هزرو بیری داپۆشراو بوو بە پەروەردەی دروست و زانست و زانینێک کە بووبووە ڕێنیشاندەری خۆشەویستی و گیانی لێبووردەیی و پێکەوەژیان و پێگەیاندن و ئاراستەی نەوەکان و تاکەکانی کۆمەڵگە و سەرجەم هاووڵاتیان.

ئەم مرۆڤە زانا و هونەرمەند و وەرزشوان و بوێر و قسە نەستەق و ڕۆح سووکە، دونیایەک لە جوانی و ئامۆژگاری و داهێنانی لە هزر و معریفە و دەرووندا بۆ جێهێشتووین، کە خەزێنەیەکی پڕ لە گەوهەری پەروەردەو ڕۆشنبیری و ئاکاری تێدایە، هەروەک ئەو پیاوە پێشەنگ و چاو نەترسە بووە، کە هەمیشە داکۆکی لە ڕاستی و دورستی کردووە. بەردەوام دژی ستەم و نادادپەروەری بووە.

دژی چەواشەکاری بێبنەما بووە لە بوارەکانی کۆمەڵایەتی و ناتەندروست تێگەیشتن لە ئاین و شەریعەت، لەوبوارەشدا بە دەیان قوتابی پێگەیاندووە.

ئێمە ئێستا دوای چوار سال لە شەهید کردنیدا ئەو وەفاداریە دەنوێنین و دووپاتی پابەندیمان بۆ خوای گەورە تازە دەکەینەوە کە بەردەوام بین لەسەر ڕێبازو پەیامی خوای متعال، بەڵام مخابن تا ئێستا تاوانبارانی کەیسی خوێنی بە ناهەق ڕژاوی د. هۆشیار بە سزای عادیلانەی خۆی نەگەیشتووە، داواکارین لە لایەنە پەیوەندیدارەکان بەوزوترین کات تاوانباران بە سزای خۆیان بگەیەنرێن و چیتر دەستی دەستی بەو کەیسە نەکرێت.

لەو ڕۆژی وەفایەشدا دەڵێین: ئاسوودە بە هۆشیارەکەم چونکە یادی تۆ و ئاوات و خەون و خولیاکانت بۆ هەمیشە لە یادگەماندا سەوز سەوز دەمێنێتەوە.. هەمیشە لەیاد .. دکتۆرەکەم.. هۆشیارە ڕوشنفکرەکە..

ابوبکر سلێمان محمد

هەولێری پایتەخت

٢٢ی ١١ی ٢٠٢٠

هه‌واڵی گرنگ