لە ساڵیادی شەهیدكردنیدا بنەماڵەی شەهیدی مینبەر هەڵوێستی خۆیان بۆ كوردیو ئاشكرا دەكەن
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

لە ساڵیادی شەهیدكردنیدا بنەماڵەی شەهیدی مینبەر هەڵوێستی خۆیان بۆ كوردیو ئاشكرا دەكەن

لە چوارەمین ساڵیادی شەهیدكردنی دكتۆر هۆشیار بنەماڵەكەی رایدەگەیەنن كە بەرپرسان نایانەوێت بریاری لە سێدارەدانی بكوژەكان جێبەجێبكەن و خۆیانی لێ دەدزنەوە ، دەشڵێت ئێمە هەرگیز سازش لەو بریارە ناكەین و تاوەكو یەك كەس لەبنەمالەی شەهید دكتۆر هۆشیار مابێت داواكاریمان ئەوەیە دەبێت بكوژان لەسێدارە بدرێن.

لەمبارەیەوە دیار گۆران برای شەهیدی مینبەر دكتۆر هۆشیار ئیسماعیل لە لێدوانێكی تایبەتدا بە كوردیوی راگەیاند:"چوار ساڵ بەسەر شەهیدكردنی دكتۆر هۆشیار تێدەپەرێت و سێ ساڵیش بەسەر دادگاییكردنەكە تێپەردەبێت كە بریارەكە تەمیز كرایەوە كە بریاری لەسێدارەدانی بكوژەكان دوبارە تەمیزكرایەوەو پەسندكرا ،بەداخەوە تائێستا بریارەكە جێبەجێنەكراوە بكوژەكان هەر لەزینداندان دوای ئەوەی كەچەندین جار بەلێنیان پێداین لە لایەن سەرۆكی هەرێمەوە كە ئەوكات مەسعود بارزانی بوو هەروەها نێچیرڤان بارزانی داوای بینینی مەلەفەكەی كرد بۆ ئەوەی واژۆی لەسێدارەدانەكە بكات دوبارە مەلەفەكەمان بۆ نارد بۆ ئەوەی واژۆی بكات چونكە واژۆی سەرۆكی هەرێمی دەوێت، كەیسەكە لە دادگا نەماوەو لای سەرۆكی هەرێمەو تەنها یەك واژۆی سەرۆكی هەرێمی دەوێت بەداخەوە واژۆكە نەكراوە".

ناوبراو بۆ كوردیو دەشڵێت :"یاسای لە سێدارەدان لە عێراق و هەرێمی كوردستان تاوەكو ئێستا بەركارە، هیچ بریارێك دەرنەچووە كە یاسای لە سێدارەدانی راگرتبێت ئەوان خۆیان رایانگرتووە هەركات وستبێتیان واژۆیان كردووە نمونەش كەیسی ئەو مندالەی كە لەدهۆك دەستدرێژی كرایە سەرو پارچەپارچەكرا بكوژەكەی بریاری لە سێدارەدانی بەسەردا سەپێنراو جێبەجێشكرا ، لە عێراقیش هەفتەی رابردوو 21 تاوانبار بە واژۆی سەرۆك كۆمار لەسێدارەدراون."

براكەی شەهیدی مینبەر ئاماژە بەوەش دەكات: ئەوەی ئێمەی نیگەران كردووە ئەوەیە كە ئەوان نایانەوێت بریاری لە سێدارەدانەكە جێبەجێبكەن و خۆیانی لێ دەدزنەوە و مانای ئەوەیە كە ئەو بكوژە دەستێكی گەورەی لە پشتەوەیە و دەستەكە لەوە گەورەترە كە دوای ئەو هەموو بەڵێنەی كە بە ئێمەیاندا كە بریارەكە جێبەجێدەكەن هەروەها بەڵێنیان بە مامۆستا سەلاحەدین ئەمینداری گشتی یەكگرتوو داوە، هەركات ئەمینداری گشتی یەكگرتوو نیچیرڤان بارزانی یاخود مەسعود بارزانی بینیبێت بەڵینەكەی خۆیانی بیهێناونەتەوە و ئەوانیش وتویانە ئێمە لەسەر بەڵێنەكەی خۆمانین و ئەوانە هەر لە سێدارە دەدرێن.

ناوبراو وتیشی بەرپرسان فێڵێان لە ئێمە كردو خەنجەریان لێماندا چونكە لە سەرەتادا ترسیان هەبوو ئەمنیەتی شارو هەرێمی كوردستان تێكبچێت و بەجدی هاتنە سەر خەت و بكوژیان دەستگیركرد خەنجەرەكەش ئەوەیە كە ئێستا بەڵێنەكەیان جێبەجێ ناكەن ، ئێمە هەرگیز سازش لەو بریارە ناكەین و تاوەكو یەك كەس لەبنەمالەی شەهید دكتۆر هۆشیار مابێت داواكاریمان ئەوەیە دەبێت بكوژان لەسێدارە بدرێن چونكە ئەوانە تاوانیان تەنها بەرامبەر بە ئێمە ئەنجام نەداوە بەلكوو بەرامبەر بە تاك بەتاكی هەرێمی كوردستان ئەنجامداوە .

هه‌واڵی گرنگ