ئاژانسی هەواڵگری عێراق  ڕایده‌گه‌یه‌نێت، تۆڕێكی گەورەی خانەنشینی لە دەستەی گشتی خانەنشینی عێراق هه‌ڵوه‌شێندرایه‌وه‌ كه‌ بەو هۆیەوە بڕی 30 ملیار دینار بۆ حكومەت دەگەڕێتەوە.

ئه‌مڕۆ یه‌ك شه‌ممه‌ 22 ی تشرینی یه‌كه‌می 2020 ئاژانسی هەواڵگری عێراق  بڵاویكردەوە، كە تۆڕێكی گەورەی ساختەكارییان لە دەستەی گشتی خانەنشینی هەڵوەشاندۆتەوە، كە 29 كەس بوون كه‌ لە فەرمانبەران و كەسانی دیكە پێكهاتوون، كە خەریكی بەدواداچوونی مامەڵەی هاووڵاتیانن.

ئاژانسی هەواڵگری عێراق  ئاماژه‌ی به‌وه‌ش كردوه‌، ئەو تۆمەتبارانە خەریكی پڕۆسەی فێڵ و ساختەكاری بوون، كە بەهۆیەوە مانگانە بڕی 30 ملیار دینار وەك مووچەی خانەنشینی بۆ خەڵكی ناشایستە خەرج كراوە.