ئاماری نوێی توشبوون به كۆڕۆنا له عێراق ڕاگه‌یه‌نرا
وەزارەتی تەندروستی و ژینگه‌ی عێراق رایگەیاند: لە 24 کاتژمێری رابردودا دوو هەزار و 292 توشبوی نوێی کۆڕۆنا لە سەرانسەری عێراق تۆمارکراوه، هاوكات 35 كه‌سیش به‌هۆی كۆڕۆناوه گیانیان لەدەستداوە.
وەزارەتی تەندروستی و ژینگه‌ی عێراق دواین ئاماره‌كانی تایبه‌ت به كۆڕۆنای ڕاگه‌یاند كه تیایدا هاتووه: له 24 کاتژمێری رابردودا دوو هه‌زار و 292 توشبوی نوێی کۆڕۆنا لە سەرانسەری عێراق تۆمارکراون، له به‌رامبه‌ردا ڕێژه‌ی چاكبونه‌وه دوو هه‌زارو 130 كه‌س بووه، به‌هۆی كۆڕۆناوه له ماوه‌ی 24 كاتژمێری ڕابردو 35 كه‌س گیانیان لەدەستداوە.
ڕێژه‌ی زۆری توشبوان له پارێزگای كەركوك بووه كه ژماره‌یان 469 توشبوه، هاوكات كه‌مترین ڕێژه‌ی توشبونیش له پارێزگای موسەننا بووە كه 12 كه‌سه، تا ئێستا ژماره‌ی مردن له پارێزگای سلێمانی زۆرترین رێژه‌ی تۆماركردوه له‌سه‌ر ئاستی سه‌رجه‌م پارێزگاكانی عێراق كه 11 كه‌س بووه.
