گروپە چەكدارەكانی داعش لە جموجۆڵەكانیان بەردەوامن، شەوی رابردوو جارێكی تر هێرشیان كردۆتەوە سەر پۆلیسی عێراقی شەڕو ڕووبەڕووبوونەوە ڕوویداوە.
سەرچاوەیەكی ئەمنی عێراقی باسی لەوەكردووە، شەوی رابردوو گروپە چەكدارەكانی داعش لە باشووری ناوچەی زڵوعیەی سنووری پارێزگای سەڵاحەددین هێرشیان كردۆتە سەر پۆلیس و لەئەنجامی شەڕو پێكداداندا چوار پۆلیس برینداربوونە.
هەروەها سەرچاوەكە باسی لەوەشكردووە، كە لەنێو بریندارەكان ئەفسەرێك هەیە بە پلەی عەقید، دواتریش چەكدارەكان ناوچەكەیان جێهێشتووە.