كوردیو
قایمقامی قەزای چەمچەماڵ كردنەوەی نووسینگەی پاسپۆرت لە قەزاكە رادەگەیەنێت.
رەمەك رەمەزان، قایمقامی قەزای چەمچەماڵ رایگەیاند،" رۆژی پێنجشەممە 26-11-2020 لە چەمچەماڵ نووسینگەی پاسپۆرتی چەمچەماڵ دەكرێتەوە و یەكەم پاسپۆرت بۆ كوڕە شەهیدێك و دووەم پاسپۆرتیش بۆ كوڕە ئەنفالكراوێك دەردێت".
ئاماژەی بەوەشدا،" 270 هەزار كەسی سنووری قەزاكە سوود لەو نووسینگەیە دەبینن".
قەزای چەمچەماڵ لەرووی ئیدارییەوە سەر بە پارێزگای سلێمانییە و گەورەترین قەزای پارێزگاكەیە و نزیكەی 300 هەزار دانیشتووی هەیە.