بەپێی بڕیارێكی سەرۆك وەزیرانی عێراق بەمەبەستی لێكۆڵینەوە لە رووداوەكانی گۆڕەپانی حبوبیە لە زیقار قەدەغەی هاتوچۆ ڕادەگەیەندرێت و مۆڵەتەكانی چەك هەڵگرتنیش هەڵدەوەشێنرێتەوە.
یەحیا رەسوڵ وتەبێژی سەرۆك وەزیرانی عێراق ڕایگەیاند: مستەفا كازمی بڕیاریداوە بە لەكارخستنی فەرماندەی پۆلیسی زیقار و پێكهێنانی لیژنەی لێكۆڵینەوە لە رووداوەكانی دوێنێی زیقار.
هەروەها ئەوەشی خستەڕوو: گرژی و ئاڵۆزییەكان لەبەرژەوەندی عێراقدا نییە و هیچ جێگرەیەوەك بۆ یاسا و سیستەم و دادگاكان نییە بۆیە بڕیاریداوە قەدەغەی هاتوچۆ رابگەیەنرێت و مۆڵەتەكانی چەك هەڵگرتنیش هەڵبوەشێنرێتەوە.
جێگەی باسە دوێنێ هەینی لە پارێزگای زیقار پێكدادان لەنێوان خۆپیشاندەران لە مەیدانی حەبوبی لە ناوەڕاستی ئەو شارە و لایەنگرانی سەدر روویدا و بەوهۆیەوە كەسێك گیانی لەدەستدا و ٤٩ كەسی دیكەش برینداربوون.