ردوان گولی/سوید
زور کهس ههنه دبێژن سیاسهت کورت وکرمانج ئانکو فێلبازی ودرهو وحیلە وتەشقەلە،دەمێ ئەز گەهشتیم قوناغا ئامادەیی گەلەک جاران هاتم گرتن وگازیکرن،ئەڤێ چەندێ چ باندورەکا زور مەزن لسەر من نەکر،بەلێ کەس وکارێن من گەلەک پێ نەخوش ودلگران بوون ژ وان باپیرێ من چەندین جاران دگوت باپیر سیاسەت هەمی درەوە تو بوچی فورمەکێ بو تژی ناکی وسەرێ خوە رحەتکی وسەرێ مە ژی؟! من ژی دگوت باپیر من دڤێت بچم ل کولیژا یاسا ورامیاری بخوینم ئەگەر پلێت من باش بن،چەوا سیاسەت ئانکو درەو وحیلە ؟ دگوت من ئەز بەحسێ وێ دکەم،مەرەما من حزباتیە،ئەگەر نێرینەک بکەین دێ بینین باشترین پێناسە بو پەیڤا سیاسەت ئانکو هونەرێ رێڤەبرنێ وخزمەتا خەلکی،بەلێ لدەڤەرا دبێژنێ روژهەلاتا ناڤین وزوربەیا وەلاتێن مسلمانا ئاش ن چەپی دزفرت وهەمی زاراڤ وئیدیەمێن جوان وقەشەنگ بەروڤاژی لێکرینە،بەرپرس ئەڤجا یێ میری بیت یان حزبی بیت کارێ سەرەکی یێ وی پارە کومکرن وپشت راستکرنا دویندەها خوە وبەرژەوەندیا خوە وووو،هەر ژبەر ڤێ ئێکێ دەمێ بەحسێ پەیڤا سیاسەت دهێتەکرن دزی وتالانکرن وتەزویر ودرەو دهێتە پێش چاڤێت خەلکی،هەر وەکی بێژی سەرکردە وسیاسەتمەدارێن مە پەرتووکا میر یا نڤیسکارێ ئیتالی نیکولو مەکیاڤیلی(1469__ 1527) ئەوا دهاتە نیاسین ب پەرتووکا شەیتانی باش یا خاندی وپەیرەوکری دژیانا سیاسیدا،وپرەنسیپا هەرە دیار لدەڤ مەکیاڤیلی هەتا بگەهی ئارمانجا خوە هەمی رێکێن دروست ونە دروست بکاربینە،شێخ سهعیدێ نورسی دگوت : اعوذ بالله من الشیطان الرجیم ومن السیاسة ، ئانکو ئهز خوه ب خودێ دپارێزم ژ شهیتانی وسیاسهتێ،هندی بناڤێ سیاسەتێ هندەک بەرپرس خودان بەرژەوەندیان یا ئینای سەر خەلکی،بەلێ دراستیدا ئەڤ هاوکێشە بەروڤاژیە، دفهرمودهکا پێغهمبهری دا هاتیه سلاڤێن خودێ لسهر بن دبێژیت: دویندهها یهعقوبی (بنو اسرائیل) پێغهمبهرێن وان ئەو برێڤه دبرن، ههر دهمێ پێغهمبهرهک نه مابا ئێکێ دی دهات وئەو برێڤە دبرن،ودەمێ پێغەمبەر سلاڤێت خودێ لسەر بن ژ مەکەهێ مشەختبووی مەدینێ،دەستورێ مەدینێ هاتە راگەهاندن ژ بو رێڤەبرنا کاروبارێت خەلکی، سهعید حهوا زانایێ ناڤدار دبێژیت : ئهوێن دبێژن مایێ خوه دسیاسهتێ نهکهن ئهو دوو جاران گونههکارن، جارهکێ جونکه وان بهشداری تێدا نهکر ، وجارهکا دی ئهوان هندهکێن دی ژێ دانه پاش..