وەك بینیمان حكومەت بۆ چارەسەری كورتهێنانی دارایی نرخی دۆلاری بەرزكردەوە لە 125/ بۆ 145 هەزار، كەواتە بۆ هەر دۆلارێك بەراورد بە نرخی پێشوی 25 هەزار جیاوازی دەبێ، یٔەمەش بەرزبوونەوەی نرخی كاڵا و شتومەكەكان بە داوای خۆیدا دەهێنێ.
یٔەمجۆرە لە سیاسەت یٔەگەر دورستبێ بڵێین لە هاوشێوەی باجی نا ڕاستەوخۆ دەچێت كە لە ڕێگای سیاسەتی داراییەوە پەیڕەو دەكرێ بۆ بە دەستهێنانی داهات، بەمەش بڕێك دراو دەخرێتە سەر یٔەو كاڵا و شمەكانەی لە سنووری وڵاتێكی دیكەوە داخلی ناوەوەی وڵات دەبێ، لەم حاڵەتەدا حكومەت لە دەروازەكان یٔەو بڕە دراوە لە بازرگانەكان دەسێنێ بە ناوی ڕەسمی گومرگیەوە، بازرگانەكانیش بۆ یٔەوەی خۆیان بەدوور بگرن لە زیان هەڵدەسن نرخی كاڵاكان دووبارە بەرزدەكەنەوە لە بازاڕەكان. بەرزبوونەوەی نرخیش واتا دەرهێنانی پارە لە گیرفانی بەكاربەر بۆ گیرفانی فرۆشیار، بەواتاكیتر حكومەت داهاتی فرۆشیاری كەم نەكرد، بەڵكو هێزی كڕینی بەكاربەری كەمكردۆتەوە.
یٔەوەی مەبەستە یٔەوەیە كە حكومەتی عێراق بەناوی چارەسەری كورتهێنانی بودجەی گشتییەوە دێت بە شێوەیەكی نا ڕاستەوخۆ یٔەم كارە یٔەنجام دەدات، لەبەر یٔەوەی لە یٔێستادا حكومەتەكەی كازمی بە هیچ شێوەیەك ناتوانێ دەست بۆ چاكسازی ڕیشەیی بەرێ، هەمان گرفت دووبارە دەكاتەوە بەوەی شكست بە شكستێكیتر دەسپێرێ، بۆ پەردەپۆشكردنی گەندەڵی و بە هەدەردانی سامانی گشتی وڵات، شكست بە شكست سپاردن چارەی دەردی وڵات ناكا لە غەیری یٔاڵۆزبون و شڵەژانی زیاتر، چونكە دەست بردن بۆ دۆلار پەیوەستە بە ژیانی هاوڵاتییەوە، بۆیە زۆر پێویستبوو كە بە هۆشیارییەكی زیاترەوە ڕەفتاری لەگەڵ بكرایە، یٔەگینا هەر سیاسەتێكی نا بەرپرسیارانە دوور نیە بە كۆتایهێنانی دەسەڵات كۆتای نەیەت، لەبەریٔەوەی پێوانەی كڕین و فرۆشتنی بە دۆلارە، بۆ بارودۆخی یٔێستای عێراق ناخوازێ نرخی دۆلار بەرزبێتەوە و ببێتە بارگرانیەك لە بارگرانیەكانیتر بۆ سەر ژیانی هاوڵاتی لە كاتێكدا گۆڕانكاریی یٔەوتۆ نابینرێ لە داهاتییدا.
وەزیری دارایی دەڵێ یٔێمە دەتوانین بەم سیاسەتە بڕی كورتهێنانەكە لە 100 ترلیۆن دینارەوە كەمبكەینەوە بۆ 60 ترلیۆن، وەك بڵێی یٔەمە دەسكەوتە! لە كاتێكدا یٔەو 40 ترلیۆن دینارە لە گیرفانی هاوڵاتی دەردەكا و دووبارە زۆربەی زۆری دەخاتەوە گیرفانی گەندەڵكاران، نەك كاریگەری هەبێ لەسەر پرۆژەی وەبەرهێنان و زیادكردنی قەبارەی ناردەنی و كەمكردنەوەی قەبارەی هاوردەنی. هاوڵاتی گەیشتۆتە قەناعەتێك لەم عێراق و هەرێمە، كە هەر بڕیار و كۆبوونەیەك یٔەنجام بدرێ لە ژێر ناوی چاكسازی بۆ یٔەوان لە غەیری نەهامەتی و دەردەسەریی چاوەڕێی هیچی دیكەی لێناكرێ.