کوردیو
تیمێن پاراستنا كناران ل توركیا 64 كۆچبەرێن نە یاسایی ژخەندقینێ قورتالكرن پشتی هێزێن دەریاڤانێن یونانێ ڕێ نەدایێ دەربازی وی وەڵاتی ببن.
ل گورەی دەنگوباسەكێ ئاژانسا (ئەنادۆڵ) یا توركی، تیمێن پاراستنا كناران 37 كۆچبەر كو هژمارەكا ژتن و زارۆكان دگەلدابوون ل ویلایەتا بالیكسیر ل ڕۆژئاڤایێ توركیا قورتالكرن، پشتی لسەر بەلەمەكێ دنیڤا دەریایێدا مایینە ڕاوستای، ل ویلایەتا مۆگلا ژی هەمان تیم شیان 9 كۆچبەران قورتال بكەن پشتی هێزێن دەریاڤانێن یونان ڕێ نەدایێ دەربازی وی وەڵاتی ببن،.
ئاژانسا ئەنادۆل دازانین كو ل ویلایەتا جەناق قەلعە ل باكوورێ ڕۆژئاڤایێ توركیا ژی تیمێن پاراستنا كناران 18 كۆچبەرێن نەیاسایی قورتالكرن، كو هێزێن یونانێ ژنێزیك كنارێن وی وەڵاتی ڤەگەڕاندبوون.