کوردیو
ل کومەلگەها قەدشێ یا سەر ب قەزا ئامێدیێ تەنکەرەکا بارهەلگرا پارڤەکرنا گازا وەلاتیان ب سەدەمێ تەقینا سوندەیەکێ دگەل هەمی وێ گازا هەلگرتی ب یەکجاری شەوتی.
بەرەڤانیا باژێری ل ئامێدیێ ڕاگەهاند، نێزیک دەمژمێر ٣یێ ئێڤاریا ئەڤرۆ ب سەدەما تەقینا سوندەکێ ئاگر بەربوو تەنکەرەکا بارهەلگرا پارڤەکرنا گازێ و بتەمامی شەوتی.
بنگەهێ بەرەڤانیا باژێرڤانیا ئامێدیێ دیارکر ژی ب قاسێ ٣٠ هزار دۆلاران زیان ب تەنکەرێ گەهشتینە و هەروەسا زیان ب هندەک دەرگەهـ و پەنجەرێن مالێن وەلاتیان گەهاندیە.
ئاماژە ب وێیەکێ ژی کریە، زیانێن مەزنێن ماددی بەر ب ترۆمبێلی کەتنە، لێ چ زیانێن گیانی نەبووینە. هەڤدەم بەحسا وێیەکێ ژی کر، نها تیمێن بەرەڤانیا باژاری ل جهێ بویەرێنە و ئاگر ب تەمامی کۆنترۆلکرنە.
ئەڤە د دەمەکێ دایە، گاز بسەر سێ ناحیێن سەر ب قەزا ئامێدیێ (شێلادزێ، چەمانکێ، کانی ماسێ) هاتیە پارڤەکرن و هێشتا ناحیا بامەرنێ و سەنتەرێ قەزا ئامێدیێ ماینە، هەڤدەم نها سرایا ناحیا سەرسینگێ یە و ئەڤرۆ ل کومەلگەها قەدشێ ئاگربەربوو ترۆمبێلا پارڤەکرنا گازێ ل وێ دەڤەرێ.