هه‌وڵى زیادكردنى ڕۆژه‌كانى ده‌وامى قوتابخانه‌كان دەدرێت
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

هه‌وڵى زیادكردنى ڕۆژه‌كانى ده‌وامى قوتابخانه‌كان دەدرێت

ئه‌مرۆ حكومه‌تى عێراق تاوتوێى دۆخى خوێندنى ئه‌مساڵ ده‌كه‌ن وهه‌وڵیش ده‌ده‌ن رۆژه‌كانى ده‌وام زیاد بكه‌ن، له‌به‌رامبه‌ریشدا، كۆمسیۆنى مافه‌كانى مرۆڤ له‌عێراق هۆشدارى له‌و هه‌نگاوه‌ ده‌دات.

وه‌زاره‌تى په‌روه‌رده‌ى حكومه‌تى عێراق رایگه‌یاندوه‌: كه‌ئه‌مرۆ كۆبوونه‌وه‌یه‌ك له‌گه‌ڵ وه‌زاره‌تى ته‌ندروستى ئه‌نجامده‌ده‌ن له‌پێناو زیادكردنى رۆژه‌كانى ده‌وامى خوێندنگاكان بۆ ته‌واوى قوناغه‌كانى خوێندن.

فه‌لاح قه‌یسى، وه‌كیلى ئیدارى له‌وه‌زاره‌تى په‌روه‌رده‌ رایگه‌یاندوه‌: كه‌محمد خه‌له‌ف وه‌زیرى په‌روه‌رده‌ و حه‌سه‌ن ته‌میمى وه‌زیرى ته‌ندروستى كۆبوونه‌وه‌یه‌كى به‌رفراوان به‌هاوبه‌شى له‌گه‌ڵ شانه‌ى قه‌یرانه‌كان وبه‌رپرسانى هه‌ردوو وه‌زاره‌ت تایبه‌ت به‌رێوشوێنه‌كانى خۆپارێزى له‌ڤایرۆسى كۆرۆنا ئه‌نجامده‌ده‌ن، وگوتى: ئه‌و كۆبوونه‌وه‌یه‌ له‌پێناو زیاتركردنى رۆژه‌كانى ده‌وامى خوێندن بۆ دوو رۆژ یان سێ رۆژ بۆ هه‌ر یه‌كه‌ له‌قوناغه‌كانى سه‌ره‌تایى و دواناوه‌ندى.

له‌لایه‌كى دیكه‌وه‌، كۆمسیۆنى مافه‌كانى مرۆڤ له‌عێراق هۆشدارى ده‌دات له‌زیادكردنى رۆژه‌كانى ده‌وامى خوێندن له‌قوتابخانه‌ وزانكۆكاكان.

له‌به‌یاننامه‌یه‌كدا، كۆمسیۆنى مافه‌كانى مرۆڤ رایگه‌یاندوه‌: هه‌ر زیادكردنێك له‌رۆژه‌كانى ده‌وامى خوێندن ده‌بێته‌ هۆى زیادكردنى ژماره‌ى توشبووان به‌ڤایرۆسى كۆرۆنا.

راشیگه‌یاندوه‌: دابه‌زینى ئێستا له‌ژماره‌ى توشبووان، كاتییه‌ وكۆتایى په‌تاكه‌ نیه‌، وبۆیه‌ پێویسته‌ وریا بن له‌دووباره‌كردنه‌وه‌ى هه‌ڵه‌ى رابردوو.

هه‌واڵی گرنگ