وەزیری ئاسایشی ناوخۆی ئەمریکا بە وەکالەت دەستی لەکار کێشایەوە
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

وەزیری ئاسایشی ناوخۆی ئەمریکا بە وەکالەت دەستی لەکار کێشایەوە

لە ویلایەتە یەكگرتووەكانی ئەمریکا وەزیری ئاسایشی ناوخۆ بە وەکالەت، دەستلەکارکێشانەوەی لە پۆستەکەی رایدەگەیەنێت.

دوای هەڵکوتانە سەر کۆنگرێسی ئەمریکا لە شەشی کانوونی دووەمدا، دەستلەکارکێشانەوە لە کۆشکی سپی و کابینەکەی ترەمپ درێژەی هەیەو جاد وۆڵف کە پۆستی وەزیری ئاسایشی ناوخۆی ئەمریکای بە وەکالەت بەڕێوەدەبرد، لە روونکردنەوەیەکدا باسی لەوە کردوە کە لە نیوە شەوەوە وازی لە پۆستەکەی هێناوە.

جاد وۆڵف کە بڕیاربوو لە باری ئاساییدا تا ٢٠ی کانوونی دووەم لەگەڵ دەستبەکاربوونی جۆ بایدندا لەسەر پۆستەکەی بەردەوام بێت، بە هۆی رووداوەکانی ئەم دواییەوە بڕیاری دەستلەکارکێشانەوەی خۆی راگەیاندوە ،ئەوەشی خستەڕوو کە سەرۆکی ئاژانسی ئیدارەی باری لەناکاوی فیدراڵی، پیت گاینۆر پۆستەکەی بەڕێوەدەبات.

هاوكات  لە پاش هەڵکوتانە سەر کۆنگرێسی ئەمریکا لە هەفتەی رابردوودا، وەزیری گواستنەوەی ئەمریکا، ئێڵاین چاو و وەزیری پەروەردە، بێستی دیڤۆس دەستیان لەکارکێشایەوە.

هه‌واڵی گرنگ