وەزارەتی شارەوانی گوژمەی خاوێنكردنەوەی هەولێری ئاشكرا كرد
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

وەزارەتی شارەوانی گوژمەی خاوێنكردنەوەی هەولێری ئاشكرا كرد

وەزارەتی شارەوانی و گەشتوگوار سەبارەت بە جیاوازی گوژمەی گرێبەستەكانی خاوێنكردنەوە، زانیاری دەخاتەڕوو كە لە گوژمەی نوێی خاوێنكردنەوەدا 10 ملیار دینار كەمتر لە گوژمەی پێشووی بۆ تەرخانكراوە

گرێبەستی كۆن و نوێیگوژمەی خاوێنكردنەوە لە سنووری شارەوانیی هەولێر، بەڕێوەبەرایەتیی گشتیی شارەوانییەكانی هەولێر بڵاوكراوەتەوە، كە لە گرێبەستە نوێكاندا چەند زۆنێكی خاوێنكردنەوە زیادكراون و ئاستی كوالێتی پرۆسەكەش بە زیادكردن و بەرزكردنەوەی ژمارە و مۆدێلی ئۆتۆمبێل و ئامێرەكان بەرز كراوەتەوە، بەهۆی ئەو چاكسازییەوە ساڵانە پارەیەكی زۆر بۆ حكوومەت دەگەڕێتەوە.
 
لە ڕاكەیەنراوەكەدا گوژمەی كۆن، بۆ ماوەی یەك ساڵ، بریتی بوو لە 29 ملیارو 582 ملیۆن و 753 هەزار دینار، بەڵام لە گوژمەی نوێدا، بڕی پارەكەی دابەزیوەو بۆ ماوەی یەك ساڵ بووەتە 19 ملیارو 525 ملیۆن و 677 هەزار دینار.

لەگەڵ زیادكردنی چەندین زۆنی نوێی خاوێنكردنەوە و بەرزكردنەوەی كوالێتی پرۆسە و زیادكردنی ئامێر و ئۆتۆمبێلیش كە لە گرێبەستی كۆن نەبوونە و لە نوێكەدا هەن. واتە جیاوازی نێوان هەردوو گوژمەی كۆن و نوێ بۆ یەك ساڵ، زیاتر لە (10) ملیار دینارە.
 

هه‌واڵی گرنگ