کوردیو

ئەندامەکێ جڤاتا پارێزگەها دهۆکێ ڕاگەهاند، پارتی دوو پوستێن رێڤەبەریێن گشتی (مینا، رێک و پرا) کو بەریانها پشکا یەکگرتوو بوون لوێ پارێزگەهێ وەرگرتن، و ئەڤرۆ جڤاتێ دەنگ لسەر دا.

سەباح بابیری، سەروکێ فراکسیونا یەکگرتویی ئیسلامی کوردستان  ل جڤاتا پارێزگەها دهۆکێ ڕاگەهاند، ئەڤرۆ جڤینا جڤاتا پارێزگەهادهۆکێ بۆ پەسەندکرنا هەردوو رێڤەبەرێن مینا و رێک و پرا برێڤەچوو، تێدا ئەو رێڤەبەرە هاتن پەسەندکرن ئەوێن کارگێریا پارێزگەهێبەربژارکرین و ب نڤێسارەکێ بۆ جڤاتێ شاندین.

ئاماژە ب وێیەکێ ژی کر، بەریا نها ئەو پوستە ژ ئالیێ یەکگرتوو ڤە دهاتنە ب رێڤەبرن، پشتی یەکگرتوو خۆ ژ حکومەتا خۆجهیا پارێزگەهادهوکێ ڤەکێشای و نها وەکە ئۆپۆزسیۆن کاردکەت، ئەڤرۆ ژ ئالیێ پارتی ڤە هاتن وەرگرتن و برێڤەبرن.

بەحسا وێیەکێ ژی کر، "مە تێبینی لسەر بابەتێ یاسای هەبوو کو ل گۆرەی یاسایا ژمارە سێ یا سالا ٢٠٠٩ێ یا پارێزگەهێن هەرێماکوردستانێ، بەحسا وێیەکێ دکەت کو پێتڤیە پارێزگار پێنج بەربژاران پێشکێشی جڤاتێ بکەتن و پاشان جڤات سێیان پەسەندبکەتن و بۆجڤاتا وەزیران بشینە و ئەوژی بەربژارەکێ پەسەندبکەن".لێ ئەڤە هەمی نەهاتە کرن و بتنێ یەک بەربژار هەبو.