کوردیو
رێڤەبەرێ گشتیێ پۆلیسێن هەرێمێ ڕاگەهاند،گۆهڕانکاری ل تەڤاهیا پۆستێن وەزارەتا نافخۆ دهێتەکرن، هەر ژ بنگەهێ پۆلیسان هەیا دگەهیتە رێڤەبەراتیا گشتی.
لیوا تارق ئەحمەد، رێڤەبەرێ گشتیێ پۆلیسێن هەرێما کوردستانێ ڕاگەهاندیە، وەزارەتا نافخۆ گۆهڕانکاریا ل تەڤاهیا دامەزراوەیێن خۆ دکەت.
رێڤەبەرێ گشتیێ پۆلیسێن هەرێمێ د چارچۆڤەیێ گۆهڕانکاریان ل هەژمارەکا پۆستێن ئیداری یێن سەر ب وەزارەتا ناڤخۆ ل قەزا سۆران بەحسا وێیەکێ کر، وەزارەتا نافخۆ گۆهڕانکاریا ل تەڤاهیا دامەزراوەیێن خۆ دکەت، ژ پێخەمەت کارنامەیا چالاککرنا دامەزراوەیان و خزمەتکرنا وەلاتیان.
رێڤەبەرێ گشتیێ پۆلیسێن هەرێمێ گۆت ژی، بەریا نها رێبەر ئەحمەد، وەزیری نافخۆیێ حکومەتا هەرێمێ ئاماژە ب وێیەکێ ژی کریە کو دێ گۆهڕانکاری ل تەڤاهیا پۆستێن وەزارەتا نافخۆ هێتەکرن، هەر ژ بنگەهێ پۆلیسان هەیا دگەهیتە رێڤەبەراتیا گشتی، نها ژی گۆهڕانکاریان دەستپێکریە و دێ یا بەردەوام ژی بیت.