ئاژانسەكانی هەواڵی ئێران لە تۆڕە كۆمەڵایەتییەكان گرتەیەكی نوێی ڤیدیۆیی هێرشە موشەكییەكەی ئەو وڵاتەیان بۆ سەر هێزەكانی ئەمریكا لە بنكەی سەربازی (عەین ئەسەد) لە عێراق بڵاوكردەوە. 

گرتە ڤیدیۆییەكە ژوری ئۆپەراسیۆنی ئێران و ساتی دەستپێكردن بە ئاڕاستەكردنی موشەكەكان بۆ سەر ئەو بنكە سەربازییەی ئەمریكا لە عێراق نیشان دەدات. 

لەدوای بۆردومانكردنی بنكە سەربازییەكەش سوپای پاسدارانی ئێران لە راگەیەندراوێكدا بڵاویكردەوە، كە هێرشەكە بۆتە هۆی كوژرانی (80) سەربازی ئەمریكی، بەڵام ئەمریكا رەتیكردەوە لەئەنجامی هێرشەكەدا هیچ سەربازێكی كوژرابێت.