كوردیو
كەشناسی هەرێم رایدەگەیەنێت،لە ئەمڕۆوە هەرێمی كوردستان دەكەوێتە ژێر كاریگەری شەپۆلێكی باران بارین و بەفر بارینەوە و پلەكانی گەرما بەشێوەیەكی بەرچاو دادەبەزن.
ئەمڕۆ یەكشەممە 17-1-2021 بەڕێوەبەرایەتی گشتی كەشناسی و بومەلەرزەزانی هەرێم رایگەیاند،لە ئەنجامی یەكگرتنی هەردوو نزمە پاڵەپەستۆی دەریای ناوەڕاست و نزمەپاڵەپەستۆی توركیا،هەرێمی كوردستان دەكەوێتە ژێر كاریگەری شەپۆلێكی باران بارین و بەفربارینو ئەمڕۆ لە كاتەكانی ئێوارە باران بارین لە هەندێ ناوچە دەستپێدەكات بە رێژەی جیاجیا.
ئاماژەی بەوەشداوە،لە درەنگانی ئەمشەودا ئاستی باران بارینەكە زیاتر دەبێت، رۆژی دووشەممە و سێشەممە و چوارشەممە تەواوی ناوچەكە دەكەوێتە ژێر كاریگەری ئەم شەپۆلە، ەگەل هاتنی ئەم شەپۆلە بارستە هەوایەكی ساردی جەمسەری یاوەری ئەم نزمە پاڵەپەستۆیە دەكات و لە كاتی باران بارین لە زۆربەی ناوچە شاخاوییەكان بەفر دەبارێت.
روونیشیكردووەتەوە، دوابەدوای كۆتاییهاتنی ئەم شەپۆلە لە رۆژی پێنجشەممە، نزمترین پلەكانی گەرمای شەو و یاخود بەرەبەیان نزم دەبێتەوە بۆ ژێر سر پلەی سیلیزی،لە ئەنجامدا دیاردەی شەختە دروست دەبێت لە كاتەكانی بەرەبەیاندا.