ژووری ئۆپه‌راسیۆنی پارێزگای هه‌ولێر ڕاگەیەنراوێكی بڵاو كردەوە
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

ژووری ئۆپه‌راسیۆنی پارێزگای هه‌ولێر ڕاگەیەنراوێكی بڵاو كردەوە

لە ڕاگه‌یندراوێكدا‌ ژووری ئۆپه‌راسیۆنی پارێزگای هه‌ولێر لیژنەیەكی پێكهێنا بۆ چاودێری كردنی ناوەندەكانی خوێندن و سەردانیكردنی قوتابخانەكان.

ئەمڕۆ یەکشەمە 2021.1.17، ژووری ئۆپەراسیۆنی پارێزگای هەولێر بۆ بەرەنگاربوونەوەی ڤایرۆسی کۆرۆنا، کۆبووە و کۆبوونەوە، لە دەرئەنجامی كۆبونەوەكەشدا چەند بڕیارێكدرا،  بڕیاردرا دوو لێژنە بەسەرپەرشتی پارێزگای هەولێر و ئەندامیەتی هەریەكە لە وەزارەتی خوێندنی باڵا و تەندروستی هەولێر و پەروەردەی هەولێر پێکبهێنرێت، بۆ چوونە ناو ناوەندەکانی خوێندن و چاودێریکردنی قوتابیان و خوێندکاران بۆ پابەندبوونیان لە بەکارهێنانی (دەمامک) و جێبەجێکردنی ڕێکارەکانی خۆپارێزی و ڕێنماییە تەندروستییەکان.

هاوكات پێکهێنانی لێژنە بۆ سەردانیکردنی فەرمانگە و بەڕێوەبەرایەتیە حکومیەکانی سنووری پارێزگای هەولێر و چاودێریکردنی فه‌رمانبه‌رانیان لەکاتی دەوام بۆ پابەندبوونیان لە بەکارهێنانی (دەمامک) و جێبەجێکردنی ڕێکارەکانی خۆپارێزی و ڕێنماییە تەندروستییەکان، داواشكرا، هەموو ئەو شوێنانەی کە کراوەن، وەك (مۆڵ، مارکێت، شوێنە بازرگانییەکان، بازار، چێشتخانه‌)، پێویستە تەواوی مەرجە تەندروستییەکان و ڕێکارەکانی خۆپارێزی جێبەجێبکەن.

لە ڕاگەیەنراوەكەدا ئەوەش هاتووە: ئەم شوێنانە لەکاتژمێر 12ی شەو دادەخرێن:(یانه‌ی شه‌وانه‌، نێرگه‌له‌كێشان، یانه‌كانی مه‌ی خواردنه‌وه‌ (بار)، موزیك لایف، ئاهه‌نگی شه‌وانەی یانەکان)، ئەم شوێنانەش بەداخراوی دەمێنەوە:(هۆڵه‌كانی بووك گواستنه‌وه، هه‌موو جۆرە گردبوونەوە و کۆنفرانس و کۆبوونەوەیەک).

 
 

هه‌واڵی گرنگ