کوردیو

به‌رپرسێ بنگه‌هێ به‌ره‌ڤانییا باژێرى ل سه‌رسنكى بۆ خانى نیوز دیاركر، پشتى ئه‌و هاتینه‌ ئاگه‌هداركرن ل سه‌ر كه‌فتنا كه‌ڤره‌كێ مه‌زن ب سه‌ر خانیه‌كى، لژنه‌یه‌ك ژ لایێ وان ڤه‌ هاتییه‌ پێكئینان و زیانێن وێ هاتینه‌ ته‌خمینكرن.

ئه‌میر فه‌خرى به‌رپرسێ بنگه‌هێ به‌ره‌ڤانییا باژێرى ل سه‌رسنكی راگەھاند ژ ئه‌نجامێ بارینا بارانێن زۆر كه‌ڤره‌كێ مه‌زن ل چیایێ گاروكێ هاتییه‌ خوارێ و ب مالا وەلاتیه‌كێ كریستیان ل سەرسنکی كه‌فتییه‌. ناڤهاتی گۆت ژی: تێمین وان گه‌هشتینه‌ جهێ روودانێ و لژنه‌یه‌ك ژلایێ وان و ناوچەداریێڤە هاتییه‌ پێك ئینان بۆ ته‌خمینكرنا وان زیانێن گه‌هشتینه‌ خانی.

ناڤهاتى ئاشكرا كر، ژ ئه‌نجامێ ڤێ روودانێ دیواره‌كێ خانى و په‌نجه‌ر و بانێ خانى خراپ بووینه‌، هه‌روه‌سا ئاڤ چوویه‌ ناڤ مالێن وان و زیان گه‌هشتینه‌ كه‌ل و په‌لێن دناڤ مالێ دا. دیاركر ژى: زیانێن گه‌هشتینە وى خانى دبنه‌ پتر ژ ملیۆنه‌ك و 500 هزار دیناران.