له‌حاجی ئۆمه‌ران نزیكه‌ی 40سم به‌رفر باریوه‌
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

له‌حاجی ئۆمه‌ران نزیكه‌ی 40سم به‌رفر باریوه‌

 

ماوه‌ی دوو رۆژه‌ شه‌پۆلێكی به‌فرو باران بارین زۆره‌ی ناوچه‌كانی هه‌رێمی كوردستانی گرتۆته‌وه‌، به‌هۆیه‌شه‌وه‌ له‌ هه‌ندێك ناوچه‌ ئاسته‌نگ له‌به‌رده‌م هاتووچۆ دروست بووه‌، له‌م باره‌یه‌شه‌وه‌ بەڕێوەبەری شارەدێی حاجی ئۆمەران ده‌ڵێت: هاتووچۆی شۆفێران هیچ كێشەیەكی نییە و ڕێگاكان لە بەفر پاك كراونەتەوە.


عەبدولوەهاب مەحمود بەڕێوەبەری شارەدێی حاجی ئۆمەران ڕاگەیاندووه‌: لە شەو و ڕۆژی ڕابردوو، بەفرێكی زۆر باریووە، بەشێوەیەك نزیكەی 40 سانتیمەتر و لە هەندێك ناوچەش زیاتر لەو ڕێژەیە باریووە.
سه‌باره‌ت به‌ هاتووچۆی شوفێران و ئاسته‌نگه‌كانی هاتووچۆ، بەڕێوەبەری شارەدێی حاجی ئۆمەران ده‌ڵێت: تاوه‌كو ئێستا هاتووچۆی شۆفێران له‌ سنووری حاجی ئۆمەران ئاساییە، هەرچەندە بابەتی بەستنی ڕێگا و سەرما و سۆڵە هەیە، بەڵام ڕێگاكان لە بەفر داماڵراون.
شایه‌نی باسه‌، كەشناسی هەرێم پێشتر رایگه‌یاندبوو، شەپۆلێكی بەفر و باران بارین هەرێمی كوردستان دەگرێتەوە و، پێشبینی دەكرێت شەپۆلەكە تاكو سبەینێ پێنج شه‌ممه‌ بەردەوام بێت.

هه‌واڵی گرنگ