كوردیو

وەزارەتی تەندروستیی ئاماری نوێی تایبه‌ت به‌ ڤایرۆسی كۆرۆنا بڵاوكرده‌وه‌ و رایگەیاند، لە 24 كاتژمێری رابردوودا 68  کەس لە هەرێمی کوردستان تووشی ڤایرۆسی کۆرۆنا بوون.

ئه‌مرۆ چوارشەممە 20-1-2021 وه‌زاره‌تی ته‌ندروستی حكومه‌تی هه‌رێم له‌ راگه‌یه‌ندراوێكدا كه‌ وێنه‌یه‌كی ده‌ست (كوردیو) كه‌وتووه‌ بڵاویكردووه‌ته‌وه‌ " له‌ماوه‌ی 24 كاتژمێری رابردوودا سێ هه‌زار و 270  پشكنینی ڤایرۆسی كۆرۆنا ئه‌نجامدراوه‌، ده‌ره‌نجام 68  کەسی دیكه‌ تووشی کۆرۆنا بوون و سێ  کەسیش گیانیان لەدەستداوە ، هەروەها 995  کەسیش چاکبوونەتەوە".

به‌پێی دوایین ئاماری وه‌زاره‌تی ته‌ندروستی ،تا ئێستا 105  هەزار و 339  کەس له‌ هه‌رێمی كوردستان تووشی كۆرۆنا بوون، لەو ژمارەیەش 89  هەزار و 704  کەس چاکبوونەتەوە و سێ هه‌زار و 448  کەسیش به‌هۆی ڤایرۆسه‌كه‌وه‌ گیانیان لەدەستداوە.