بەپێی دوایین زانیارییەكانی دەزگای لوتكە، ساڵی ڕابردوو دانیمارك نزمترین ڕێژەی كۆچبەرانی هەبووە لە ساڵی ١٩٩٨ەوە، كە تەنها ١٥٤٧ داوانامە پێشكەش كراوە.

مێت فرێدریكسن سەرۆك وەزیرانی دانیمارك بە پەرلەمانی ڕاگەیاند: چیتر نایەوێت پەنابەر ڕوو لە وڵاتەكەیان بكات و ئێمە بەڵێنی ئەوە نادەین كە هیچ پەنابەرێك نەیەتە وڵاتەكەمانەوە، بەڵام دەتوانین ئەو ئامانجە بۆخۆمان دیاری بكەین هەر وەك چۆن بەر لە هەڵبژاردنەكان كردمان

هەروەها ووتیشی: ئێمە پێویستمان بە سیستەمێكی نوێی داوانامەی مافی پەنابەرێتیە و هەموو هەوڵێك دەدەین لە پێناو پێشكەش كردنی ئەم سیستەمە.

ساڵی ڕابردوو بەهۆی ڤایرۆسی كۆرۆناوە ڕێژەی داوانامەی مافی پەنابەرێتی لەو وڵاتە كەمی كردووە و ڕێژەكەش لە ٪١٠ كەمتر بووەتەوە لە ئاست ساڵی ٢٠١٥ كە ٢١٣١٦ داوانامە بووە.