‎كۆسرەت ڕەسول پیرۆزبایی لە ئەمینداری گشتی یەكگرتووی ئیسلامی كوردستان دەكات
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

‎كۆسرەت ڕەسول پیرۆزبایی لە ئەمینداری گشتی یەكگرتووی ئیسلامی كوردستان دەكات

‎سەرۆكی یٔەنجومەنی باڵای سیاسی و بەرژەوەندی ‎یەكێتی نیشتمانی كوردستان پیرۆزبایی لە ئەمینداری گشتی یەكگرتووی ئیسلامی كوردستان دەكات و رایدەگەیەنێت هیوادارم وەك ڕابردوو بەپەیڕەوكردنی سیاسەتە میانڕەوەكەتان خەبات بكەن بۆ وەدەستهێنانی یٔامانجەكانتان. ‎

كوسرەت رەسوڵ سەرۆكی یٔەنجومەنی باڵای سیاسی و بەرژەوەندی ‎یەكێتی نیشتمانی كوردستان لە پیرۆزبایی نامەیەكدا كە ئاراستەی ئەمینداری گشتی یەكگرتووی ئیسلامی كوردستانی كردووەو رایگەیاندووە:بەبۆنەی (٢٧)ەمین ساڵیادی ڕاگەیاندنی یەكگرتووی یٔیسلامی كوردستان گەرمترین پیرۆزبایی خۆم یٔاراستەی جەنابت و یٔەندام و دۆست و لایەنگرانتان دەكەم و هیواخوازم سەركەوتوو بن و لەپێشكەوتنی بەردەوامدا بن.

ئاماژەی بەوەش كردووە :هیوادارم وەك ڕابردوو بەپەیڕەوكردنی سیاسەتە میانڕەوەكەتان خەبات بكەن بۆ وەدەستهێنانی ئامانجەكانتان.

 

دەقی پیرۆزبایینامەكە/

 

‎بەڕێز: مامۆستا سەڵاحەدین بەهادین- ئەمینداری گشتی یەكگرتووی ئیسلامی كوردستان

‎بەبۆنەی (٢٧)ەمین ساڵیادی ڕاگەیاندنی یەكگرتووی ئیسلامی كوردستان گەرمترین پیرۆزبایی خۆم ئاراستەی جەنابت و یٔەندام و دۆست و لایەنگرانتان دەكەم و هیواخوازم سەركەوتوو بن و لەپێشكەوتنی بەردەوامدا بن.

 

‎ساڵیادی ڕاگەیاندنی یەكگرتووی ئیسلامی كوردستان بە دەرفەت دەزانم جەخت لەپەرەپێدانی زیاتری پەیوەندییەكانی نێوانمان لە یەكێتی نیشتمانی كوردستان و یەكگرتووی ئیسلامی كوردستان بكەمەوە لەپێناو خۆشگوزەرانی بۆ هاووڵاتیان و ئارامی بۆ كوردستان، بە گرنگیشی دەزانم سەرجەم هێزو لایەنە سیاسییەكان لە هەرێمی كوردستان یەكڕیزی ناوماڵی كورد بپارێزن و خەبات بكەن بۆ دابینكردنی مافی خەڵك و دابینكردنی ئارامی لە كوردستان.

 

‎جارێكی تر پیرۆزبایی گەرمتان ئاراستە دەكەم و هیوادارم وەك ڕابردوو بەپەیڕەوكردنی سیاسەتە میانڕەوەكەتان خەبات بكەن بۆ وەدەستهێنانی ئامانجەكانتان.

 

كۆسرەت ڕەسول عەلی

‎سەرۆكی ئەنجومەنی باڵای سیاسی و بەرژەوەندی ‎یەكێتی نیشتمانی كوردستان

 

 

 

 

 

 

هه‌واڵی گرنگ