بوكەڵەكە پارە بۆ هەژاران كۆدەكاتەوە
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

بوكەڵەكە پارە بۆ هەژاران كۆدەكاتەوە

 

 

ژنێكی ئەمریكی توانی بە دروستكردنی بووكەڵەیەكی هاوشێوەی (بێرنی ساندەرز) ی سیاسەتمەداری ئەمریكی (40) هەزار دۆلار بۆ رێكخراوە خێرخوازییەكان كۆبكاتەوە.

(توبی كینگ) ژنێكی ئەمریكی دانیشتووی ویلایەتی تەكساسە لە خۆشەویستی بۆ سیاسەتمەداری دیاری ئەمریكی (بێرنی ساندەرز) ی ئەندامی ئەنجوومەنی پیران و سەرسامبوونی بە سادەیی ئەو پیاوە بە تایبەت لە كاتی ئامادەبوونی لە ئاهەنگی دەستبەكاربوونی (جۆ بایدن) وەك سەرۆكی نوێی ویلایەتە یەكگرتووەكان، بریاریدا بووكەڵەیەك لە شێوەی ساندەرز دروست بكات و بیفرۆشێت و پارەكەی ببەخشێتە ڕێكخراوە خێرخوازەكان.

كینگ دەڵێت، رۆژی ئاهەنگی دەستبەكاربوونی سەرۆكی نوێی ئەمریكا (بێرنی ساندەرز) ی ئەندامی ئەنجوومەنی پیران بە شێوەی دانیشتن و جلوبەرگەكانی و دەستكێشەكانی دەستییەوە بووە جێگەی گرنگی میدیاو سۆشیال میدیاكان ئەوەش بووە مایەی بیرۆكەیەك بۆمن.

كینگ دەڵێت، بڕیارمدا ئەو هەلە لە دەست خۆم نەدەم و بە ئیلهام وەرگرتن لەو دانیشتنەی ئەو سیاسەتمەدارەو جلوبەرگەكانی كارێك بكەم كە خێزانەكەی خۆم و زۆر خێزانی تریش دڵخۆش بكەم.

كینگ دەڵێت، بە ماوەی حەوت سەعات بووكەڵەكەم دروستكردو دواتر لە پێگەی (i-pay) بۆ بازرگانی ئەلیكترۆنی بۆ بەرژەوەندی رێكخراوی (میلز ئۆن ویلز) فرۆشتم بە مەبەستی پێشكەشكردنی خواردن بۆ كەسانی هەژار، ئەمەش دوای ئەوەی هاوڕێیەكم پێیوتم كە خودی ساندەرز هەندێك چاكەتی بەو وێنەیەی خۆیەوە فرۆشتووە بە مەبەستی كۆكردنەوەی پارە بۆ چەند ڕێكخراوێكی خێرخوازیی.

كینگ وتی، بیرنی ساندەرز كەسێكی زۆر سادەیەو من سەرسامم بە ئامانجەكەی كە یارمەتیدانی خەڵكی بێدەرەتانەو ئەوەش شتێكی زۆر گرنگە.

ئەو خانمە ئەمریكییە وتی، لەبەر ئەوەی بە هۆی ڤایرۆسی كۆرۆناوە مێردەكەم كارەكەی لەدەستداوە ئەو بوكەڵەیەی فرۆشتووە بۆ ئەوەی یارمەتی خێزانەكەی بدات بۆ دابینكردنی خەرجییەكانیان.

وتیشی، لە 2020 دا هەموومان ڕووبەڕووی دۆخێكی سەخت بووینەوە، بەڵام بەلای منەوە باشترین شت كە بیكەم ئەوەیە هەوڵ بدەم یارمەتی كەسانی تریش بدەم ئەمەش هەستێكی خۆشم لا دروست دەكات.

هه‌واڵی گرنگ