كلیلی ژوورەكەی ناپلیۆن فرۆشرا
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

كلیلی ژوورەكەی ناپلیۆن فرۆشرا

 

 

هەفتەی رابردوو لەزیادكردنێكی ئاشكرای خانەی زیادكردنەكانی سوزبیزی لەندەن كلیلی ئەو ژوورەی ناپلیۆن لە تاراوگەكەی تێیدا ژیاو لەوێشدا كۆچی دواییكرد بە (92) هەزار یۆرۆ فرۆشرا.

(دەیڤید ماكدۆنالد) پسپۆڕ لە بواری كەلوپەلە دەگمەن و ئەنتیكەكان لەو خانە بەناوبانگە وتی، ئەو كلیلە بە (81900) جونەیهی ئیستەرلینی كە دەكاتە (92) هەزار دۆلار فرۆشراوە، كلیلی ئەو ژوورەیە كە ناپلیۆن پۆناپارتی ئیمپراتۆری فەرەنسا لە دواڕۆژەكانی ژیانی و لەكاتی دوورخستنەوەی بۆ دوورگەی سانت هێلینا لەلایەن بەریتانییەكانەوە تێیدا ژیاوەو هەر لەو ژوورەشدا كۆچی دوایی كردووە.

لە پرۆسەی زیادكردنەكەدا (11) كەس كێبەركێیان كردووە بۆ بەدەستهێنانی ئەو پارچە كانزاییەی كە درێژییەكەی (13) سەنتیمەترەو شانزە هێندەی نرخی مەزەندەكراوی بووە كە لە نێوان (3000 – 5000) جونەیهی ئیستەرلینیدا بوو كە دەكاتە (5500) یۆرۆ.

(دەیڤید ماكدوناڵد) لەوتەیەكیدا ئاشكرایكرد، ئەو كلیلە لەناو كیسێك و لە سندوقێكدا لەماڵێكی سكۆتلەندادا دۆزراوەتەوەو بەپێی زانیارییەكانیش سەربازێك بەناوی (چارلز ریچارد فۆكس) دوای مردنی پۆناپارت لەساڵی (1821) دا، كاتێك لە دوورگەكە دەگەڕێتەوە كلیلی ئەو ژوورەی ناپلیۆنی تێدا بووە دەهێنێتەوە بۆ سكۆتلەندا بۆ دایكی، چونكە دایكی زۆر سەرسام بووە بە پۆناپارت و زۆرجاریش كتێب و شیرینی بۆ ناردووە.

ماكدۆناڵد دەڵێت، نەوەكانی ئەو ژنە كلیلەكەیان دۆزیوەتەوەو بڕیاریانداوە لە زیادكردنێكی ئاشكرادا بیفرۆشن.

ئەو وتیشی: زۆرجار هەندێك كەلوپەلی تایبەتی ناپلیۆن فرۆشراون وەك تابلۆ و كەلوپەلی ناوماڵی یەكێك لە ماڵە ناوازەكانی، بەڵام ئەوەی بەلامانەوە سەیرە هێنانی ئەو كلیلەیە لەو شوێنەی تێیدا دەستبەسەر بووەو دواتریش كۆچی دواییكردووە.

كەشتی نووح بابەتێكی بڵاوكردۆتەوەو تێیدا نووسیویەتی، ئەوەی جێگەی سەرەنجە لەگەڵ كلیلەكەدا ئەو پارچە كاغەزەش فرۆشراوە كە بە دەستوخەتی (چارلز ریچارد فۆكس) نووسراوەو ڕێكەوتی (6) ی ئەیلولی (1922) ی لەسەر نووسراوەو تێیدا ئاماژەی بەوە كردووە كاتێك ناپلیۆن مردووە، ئەو بە دەستی خۆی ئەو كلیلەی لە دەرگای ژوورەكەی كردۆتەوە.

هه‌واڵی گرنگ