چەند بۆچوونێكی هەڵە دەربارەی شێرپەنجە
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

چەند بۆچوونێكی هەڵە دەربارەی شێرپەنجە

 

 

شێرپەنجە هەموو كاتێك كوشندە نییەو مەرج نییە دووبارە سەرهەڵبداتەوە، رێژەی مردن بەهۆی شێرپەنجە پەیوەستە بە جۆرو قۆناغی نەخۆشییەكە، دەكرێت ڕێژەی ژیان لە هەندێ جۆری شێرپەنجە (95%) زیاتر بێت ئەگەر زوو دەستنیشان بكرێت.

1. نەخۆشی شێرپەنجە یەكێك نییە لە نەخۆشییە گوازراوەكان واتا (ناگوازرێتەوە) لە كەسێكەوە بۆ كەسێكی تر.

2. مەرج نییە هەموو گرێیەك شێرپەنجە بێت.

3. وەرگرتنی پارچەیەك لە گرێیەكان یان ئەنجامدانی نەشتەرگەری لابردنی گرێیەكان نابێتە هۆكاری تەشەنە كردن و بڵاوبوونەوەی نەخۆشییەكە.

4. كەوتنی قژ یان پرچ بۆ هەمیشەیی نییە پاش بەكارهێنانی چارەسەری كیمیاوی و زیاتر لە (95%) ی نەخۆشەكانی پرچیان دووبارە گەشە دەكاتەوە.

5. هەرچەندە خانەكانی شێرپەنجە شەكری گلوكۆز زیاتر بەكاردێنن بە بەراورد بە خانەی ئاسایی، بەڵام بەكارهێنانی شەكر نابێتە هۆكار بۆ خێراتر گەشە كردنی خانە شێرپەنجەییەكان.

(د. ئومێد شوانی – پسپۆری هەناو)

هه‌واڵی گرنگ