نەخۆشیەكانی غودەی قوڕگە گلاند ئەمانەن ...

یەكەم : تەمبەڵ بوونی غودە.

دووەم : پڕكاری یان ژاراوی بوونی غودە.

سێیەم : گرێ یان زێدە گۆشتی غودە.

ئەگەر تەمبەڵ بوونی غودەت هەیە ئەو ڕێنماییانە بەسوودن ...

پێویستە هەر دوو مانگ هەتا سێ مانگ جارێك پشكنین بكەیت و سەردانی پزیشكەكەت بكەیت.

ئەگەر حەبەكانت بە ڕێك و پێكی بخۆیت و لە بیریان نەكەیت ئەوا تەندروستیت باش دەبێت و هیچ كێشە و ئاڵۆزكاریت بۆ دروست نابێت.

خواردن لە ژینگەی ئێمە پەیوەندی ڕاستەوخۆی لەگەڵ نەخۆشی غودە نیە، چونكە ئێستا خوێیەكان بە یۆد كراون.

تەندروستی كۆئەندامی زاوزێ و زۆر بوون پەیوەندییەكی ڕاستەوخۆی بە غودە هەیە. نیشانەكانی كۆنترۆڵ نەكرانی تەمبەڵی غودە ئەمانەن ...

بێ هێزی، سەرما بوون، داهێزران، قەڵەو بوون، خەواڵ و بوون، كەم خوێنی، ژانی ماسولكەكان.

(د. یوسف خەتی – پزیشكی هۆرمۆنەكان)