حكومەت نزیكەی 350 ملیار دیناری بۆ پەرەپێدانی پارێزگاكان تەرخانكرد
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

حكومەت نزیكەی 350 ملیار دیناری بۆ پەرەپێدانی پارێزگاكان تەرخانكرد

سەرۆكی ئەنجومەنی وەزیرانی هەرێم دوای كۆبوونەوەی لەگەڵ هەر چوار پارێزگاری هەرێم بڕیاریدا بە گوژمەی 349 ملیارو 702 ملیۆن دینار پارە بۆ پڕۆژەی پەرەپێدانی پارێزگاكان تەرخان بكات.

ئەمڕۆ سێشەممە 23ـی شوباتی 2021 مەسرور بارزانی سەرۆکی ئەنجومەنی وەزیرانی هەرێم، لە گەڵ پارێزگارەکانی هەرێمی کوردستان کۆبووەوە، سەرۆكی ئەنجومەنی وەزیران ڕایگەیاند: بەو داهاتەی بەردەستە، لە چوارچێوەی بودجەی هەرێمی کوردستان بۆ ساڵی 2021، درێژە بە ئەنجامدانی چەندین پڕۆژەی خزمەتگوزاریی دەدرێت لە سەرجەم پارێزگاکانی هەرێمی کوردستان.

لە کۆبوونەوەکەدا کە لە ڕێگەی ڤیدیۆ کۆنفرانس بەڕێوەچوو، پلانی حکومەتی هەرێم بۆ جێبەجێکردنی پڕۆژەکانی پەرەپێدانیی پارێزگاکان و ئەو پڕۆژانەی وەزارەتەکان لە پارێزگاکان ئەنجامی دەدەن بۆ ساڵی ٢٠٢١ پەسەند کران کە بە داهاتی بەردەستی حکومەتی هەرێم ئەنجام دەدرێت و کۆی گشتی کوژمەکە ، 349 ملیار و 702 ملیۆن دینارە.

داهاتی تەرخانکراو بۆ پارێزگاکانی هەرێمی کوردستان بەمشێوەیە:

پارێزگای سلێمانی : 314 ملیار و 350 ملیۆن دینار.
پارێزگای هەڵەبجە : 30 ملیار دینار .
پارێزگای هەولێر : 128 ملیار و 352 ملیۆن دینار.
پارێزگای دهۆک : 77 ملیار دینار .
کۆی گشتی : 349 ملیار و 702 ملیۆن دینار.

هه‌واڵی گرنگ