ئەمڕۆ لە پارێزگای هەڵەبجە دژی چۆنیەتی دابەشكردنی مووچە گردبونەوە دەستیپێكردو مووچەخۆرانی پارێزگاكە داوای كردنەوەی بانك و شوێنی نوێ بۆ دابەشكردنی مووچەكانیان دەكەن.

حەیدەر حەمە ساڵح پەیامنێری كوردیو لە پارێزگای هەڵەبجەوە پێی ڕاگەیاندین: سەرلەبەیانی ئەمڕۆ پێنج شەممە بەهۆی نەبوونی بانكێكی تایبەت بۆ وەرگرتنی مووچەكانیان كەس وكاری شەهیدان لە هەڵەبجە گردبوونەوەو داوای چارەسەركردنی كێشەكەیان دەكەن.

هەروەها ووتیشی: لە بانكی هەڵەبجە مووچەی سەرجەم چین و توێژەكان دابەش دەكرێت و ئەوەش بوەتەهۆی دروستبوونی قەرەباڵغیەكی زۆر لەبەردەم ئەو بانكەو كاری دابەشكردنی مووچەی قورسكردووە.