ئاستی هەناردەی نەوتی عێراق بۆ ئەمریکا کەمبووەتەوە بۆ سفر
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

ئاستی هەناردەی نەوتی عێراق بۆ ئەمریکا کەمبووەتەوە بۆ سفر

ئیدارەی زانیاری و وزەی ئەمریکا، ڕایده‌گه‌یه‌نێت، لە ماوەی هەفتەی ڕابردوودا ئاستی هەناردەی نەوتی عێراق بۆ ئەمریکا کەمبووەتەوە بۆ سفر.

ئەمڕۆ شەممە 27ی شوباتی 2021 ئیدارەی زانیاری و وزەی ئەمریکا لە ڕاپۆرتی هەفتانەیدا ئیدارەی زانیاری و وزەی ئەمریکا ڕایگەیاند، “رێکڕای هاوردەکردنی نەوتی وڵاتانی لەلایەن ئەمریکاوە لە ماوەی هەفتەی ڕابردوودا گەیشتووەتە 3.634 ملیۆن بەرمیل لە ڕۆژێکدا کە لە شەش وڵاتی جیاوازەوە هاوردەی کردووە.

ئیدارەی زانیاری و وزەی ئەمریکا ئاماژه‌ی به‌وه‌ش كردووه‌، ئاستی هاوردەکردنی نەوت لە وڵاتانی دیکەوە لە ماوەی هەفتەی ڕابردوودا بەبڕی 1584 هەزار بەرمیل کەمیکردووە، بەراورد بە هەفتەی پێشووتر کە بڕی هاوردەکردنی ئەو وڵاتە 5.218 ملیۆن بەرمیل بووە.

له‌ ڕاپۆرته‌كه‌دا باس له‌وه‌ش كراوه‌ کە لەماوەی هەفتەی ڕابردوودا ئەمریکا هیچ بڕە نەوتێکی لە عێراقەوە هاوردە نەکردووە، لەکاتێکدا هەفتەی پێشووتر بڕی 114 هەزار بەرمیل نەوتی لەو وڵاتەوە هاوردە کردبوو.

هه‌روه‌ها ئه‌وه‌ش خراوه‌ته‌ڕوو لە هەفتەی ڕابردوودا ئەمریکا زۆرترین بڕە نەوتی لە وڵاتی کەنەداوە هاوردەکردووە کە 2.831 ملیۆن بەرمیل بووە لە ڕۆژێکدا، دوای ئەو مەکسیک دێت بەبڕی 355 هەزار بەرمیل نەوت لە ڕۆژێکدا، هەروەها کۆڵۆمبیا پلەی سێیەمی ئەو وڵاتانەیە کە ئەمریکا نەوتی لێ هاوردەکردووە بەبڕی 300 هەزار بەرمیل نەوت و دواتر سعودییە دێت بەبڕی 237 هەزار بەرمیل نەوت لە ڕۆژێکدا.

هه‌واڵی گرنگ