گەورەترین بەشی چاودێری چڕ لە هەولێر كرایه‌وه‌
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

گەورەترین بەشی چاودێری چڕ لە هەولێر كرایه‌وه‌

به‌ مه‌به‌ستی ئاماده‌كارییه‌كان بۆ به‌ره‌نگاربوونه‌وه‌ی ھه‌ڵكشانی نوێی په‌تای كۆرۆنا و بڵاوبونه‌وه‌ی كۆرۆنای گۆڕاو، یه‌كه‌یه‌كی ته‌ندروستی گه‌وره‌ بۆ چاودێری چڕ به‌ناوی نه‌خۆشخانه‌ی لالاڤ له‌ هه‌ولێر كرایه‌وه‌.

ئه‌مڕۆ یه‌كشه‌ممه 28 ی شوباتی 2021 ‌، به‌ ئاماده‌بوونی سامان به‌رزنجی وه‌زیری ته‌ندروستیی ھه‌رێمی كوردستان، نه‌خۆشخانه‌ی لالاڤ بۆ چاودێری چڕ له‌ ھه‌ولێر كرایه‌وه‌ كه‌ 40 قه‌ره‌وه‌ێڵه‌ له‌خۆده‌گرێت و له‌ سبه‌ی دووشه‌ممه‌وه‌، به‌شێوه‌یه‌كی فه‌رمیی به‌ڕووی نه‌خۆشاندا ده‌كرێته‌وه‌.

نه‌خۆشخانه‌كه‌ ده‌كه‌وێته‌ نزیك نه‌خۆشخانه‌ی فریاكه‌وتنی رۆژئاوا و 40 قه‌ره‌وێڵه‌ له‌خۆده‌گرێت و ئاماده‌یه‌ بۆ چاره‌سه‌ركردنی تووشبووانی كۆرۆنا كه‌ سه‌رجه‌م پێداویستی پزیشكیی بۆ دابینكراوه‌ و ئه‌وانه‌ی باری ته‌ندروستییان ناجێگیربێت، له‌م نه‌خۆشخانه‌یه‌ ده‌توانن چاره‌سه‌ری پێویست وه‌ربگرن.

سامان به‌رزنجی، وه‌زیری ته‌ندروستی هه‌رێمی كوردستان، گوتی: '' پڕۆژه‌ی كردنه‌وه‌ی نه‌خۆشخانه‌ی تایبه‌ت به‌ چاودێری چڕ دووه‌مین قۆناغی خزمه‌تگوزاریی پزیشكییه‌ و قۆناغی كۆتاییه‌ بۆ گه‌ڕانه‌وه‌ی ژیان و ئومێد بۆ مرۆڤ كه‌ خزمه‌تگوزارییه‌كی چڕ ھه‌یه‌ بۆ ئه‌و نه‌خۆشانه‌ی ده‌كه‌ونه‌ ژێر ئامێری چڕ، بۆیه‌ وێڕای ئه‌وه‌ی چه‌ند گرنگه‌ ژێرخانێكی به‌ھێز بۆ ئه‌م نه‌خۆشخانه‌یه‌ ھه‌بێت،

هه‌روه‌ها ئاماژه‌ی به‌وه‌ش كرد، ئه‌م پڕۆژه‌یه‌ نه‌ك ته‌نھا بۆ نه‌خۆشانی كۆرۆنا، به‌ڵكو بۆ ھه‌موو نه‌خۆشییه‌ك و كه‌مكردنه‌وه‌ی بارگرانی له‌سه‌ر نه‌خۆشخانه‌كانی دیكه‌ ده‌توانرێت له‌ داهاتوودا سوودی لێ وه‌ربگیرێت''.

له‌لایه‌ن خۆشیه‌وه‌ د.دلۆڤان محه‌مه‌د، به‌ڕیوه‌به‌ری ته‌ندروستی هه‌ولێر ڕایگه‌یاند،155 كارمه‌ندی ته‌ندروستی و ده‌رچووی كۆلێژه‌كانی په‌رستاری و پزیشكی له‌لایه‌ن حكومه‌ته‌وه‌ بۆ ئه‌م نه‌خۆشخانه‌یه‌ دامه‌زراوه‌.

هه‌واڵی گرنگ