شەوی رابردوو فڕۆكە جەنگییەكانی سوپای ئیسرائیل چەند ئامانجێكیان لەناو شاری دیمەشق بۆردومان كردووە.
ئاژانسی سانای سوری بڵاویكردۆتەوە، لەلایەن سوپای ئیسرائیلەوە چەند مووشەكێك ئاڕاستەی چەند ئامانجێك لەدەوروبەری شاری دیمەشق كراون و ژمارەیەكیان تێكشكێندراون.
بەپێی زانیارییەكانی سەرچاوەكەی هەواڵ لەلایەن سیستەمی دژە موشەكەكانەوە ژمارەیەك لەو موشەكانە تێكشكێندراون، ئەمە لەگەڵ ئەوەی دەنگی چەند تەقینەوەیەك لەناو شاری دیمەشق بیستراوە.