كۆمپانیای فەیسبووك بە نیازە لە ساڵی ئایندەدا سەعاتی زیرەك بەرهەم بهێنێت كە چەندین تایبەتمەندی تەندروستی هەیە.

كۆمپانیای ناوبراو ئێستا سەرقاڵی گەشەپێدانی ئەو سەعاتە زیرەكەیە كە بەكارهێنەرانی دەتوانن بەهۆیەوە نامە بنێرن و چەندین تایبەتمەندیش لەخۆدەگرێت كە پەیوەندی بەتەندروستی و لەش رێكییەوە هەیە، بەوەی لە رێگەی ئەو سەعاتەوە دەتوانن پەیوەندی بە خزمەتگوزارییە تەندروستییەكان و كۆمپانیاكانی پەیوەست بە لەش ڕێكی بكەن.

پێگە تەكنەلۆژییەكانی ئەمریكا ئەوەیان ئاشكراكردووە، كۆمپانیای فەیسبووك بە نیازە لە ساڵی داهاتوودا هەنگاوێك بنێت و ئەو سەعاتە زیرەكە بخاتە بازاڕەوەو دەست بكات بە فرۆشتنی، بەمەش ركابەری هەردوو كۆمپانیای ئەپڵ و هواوی بكات كە ئێستا بازاڕی فرۆشتنی سەعاتی زیرەكیان بۆ خۆیان قۆرغ كردووە.

پێویستە بوترێت: چەند ساڵێكە فەیسبووك چۆتە كەرتی بەرهەمهێنان و چەند بەرهەمێكیشی خستۆتە بازاڕەوە لەوانە ئامێری واقیعی گریمانەیی (ئۆكیۆلس) و ئامێری قسەكردنی ڤیدیۆیی پۆرتاڵ.

كەشتی نوح