سەرۆکی حکومەت لەگەڵ سەندیکای ڕۆژنامەنوسانی کوردستان کۆبویه‌وه‌
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

سەرۆکی حکومەت لەگەڵ سەندیکای ڕۆژنامەنوسانی کوردستان کۆبویه‌وه‌

ئەمڕۆ مەسرور بارزانی سەرۆکی حکومەتی ھەرێم، لە گەڵ نەقیب و ئەندامانی ئەنجومەنی سەندیکای ڕۆژنامەنووسانی کوردستان کۆبووەوە.

ئه‌مرۆ دوو شه‌ممه‌ 1 ی ئازاری 2021 سەرۆکایەتی حکومەت له‌ راگه‌یه‌ندراوێكدا كه‌ وێنه‌یه‌كی ده‌ست كوردیو كه‌وتوه‌ ڕایگه‌یاندووه‌،" لە سەرەتای کۆبونەوەکەدا، ئازاد حەمەدەمین نەقیبی سەندیکای ڕۆژنامەنوسانی کوردستان و ئەندامانی ئەنجومەنەکە، کورتەیەکیان دەربارەی کار و چالاکییەکانی سەندیکاکەیان خستەڕو و ئاماژەیان بە وەدا، کاری میدیایی لە هەرێمی کوردستان، لە ڕوی یاسایی و پیشەییەوە، پێویستی بە ڕێکخستنەوە هەیە بۆ ئەوەی ڕێگری لەو پشێوییە بکرێت کە لە بواری ڕاگەیاندن هەیە.


له‌ كۆبونه‌وه‌كه‌دا سەرۆکی حکومەت جەختی لە پشتیوانی و پشتگیریی حکومەتی هەرێم کردەوە بۆ ڕۆژنامەنوسان و میدیاکارانی کوردستان و کاری ڕۆژنامەگەریی لە هەرێمدا و ئاماژەی بە ڕۆڵ و پێگەی ڕۆژنامەنوسان کرد، لەهوشیارکردنەوەی کۆمەڵگە و هاوکاریکردنی حکومەت لە دەستنیشانکردنی گرفت و کێشە و سەرپێچییەکان، بەمەبەستی نەهێشتنیان و چاککردن و باشترکردنی ئەزمونی حوکمڕانیی لە کوردستاندا، وتیشی ئازادی ڕادەربڕین بنەمایەکی سەرەکی کۆمەڵگە پێشکەوتوەکانە.

هه‌روه‌ها سەرۆکی حکومەت دوپاتیکردەوە کە حکومەتی هەرێمی کوردستان، زەمینەی ئازادی ڕادەربڕینی بۆ ڕاگەیاندنکاران دەستەبەر کردوە بۆ ئەوەی ڕۆڵی کاریگەری خۆیان لە کۆمەڵگەدا بگێڕن، وتیشی" ڕاگەیاندنکارانی کوردستان، نابێ ڕێگە بدەن پیشەی پیرۆزی ڕۆژنامەگەریی، بە مەبەستی ناوزڕاندن و تۆمەت بەخشینەوە و تێکدانی ئاشتی کۆمەڵایەتی بەکاربهێنرێت."


لەڕاگەیەنراوەکەدا ئه‌وه‌ش خراوه‌ته‌روو،" سەرۆکی حكومەت دڵنیاییدا کە حکومەتی هەرێمی کوردستان، بە هەمو شێوەیەک داکۆکی و پشتگیریی لە ئازاديی کاری ڕۆژنامەگەریی لە کوردستان دەکات، بۆ ئەوەی ڕاگەیاندنکارانی کوردستان، بتوانن بە شێوەیەکی پرۆفیشناڵانە و دور لە هەر ئەجێندایەکی ناپیشەییانە ، کاری خۆیان ئەنجام بدەن، بە جۆرێک لە بەرژەوەندی گشتی و پاراستنی دەسکەوتە نیشتمانییەکان بێت."

 

هه‌واڵی گرنگ