وەزارەتی تەندروستی و ژینگهی عێراق رایگەیاند: لە 24 کاتژمێری رابردودا پێنج هەزارو 173 توشبوی نوێی کۆڕۆنا لە سەرانسەری عێراق تۆمارکراوه، هاوكات 25 كهسیش بههۆی كۆڕۆناوه گیانیان لەدەستداوە.
وەزارەتی تەندروستی و ژینگهی عێراق دواین ئامارهكانی تایبهت به كۆڕۆنای ڕاگهیاند كه تیایدا هاتووه: له 24 کاتژمێری رابردودا پێنج هەزارو 173 توشبوی نوێی کۆڕۆنا لە سەرانسەری عێراق تۆمارکراون، له بهرامبهردا ڕێژهی چاكبونهوه سێ هەزارو 463 كهس بووه، بههۆی كۆڕۆناوه له ماوهی 24 كاتژمێری ڕابردو 25 كهس گیانیان لەدەستداوە.
ڕێژهی زۆری توشبوان له پارێزگای بەسڕە بووه كه ژمارهیان 961 توشبوه، هاوكات كهمترین ڕێژهی توشبونیش له پارێزگای ئەنباڕ بووە كه 9 كهسه، زۆرترین رێژەی گیان لەدەستدانیش لە پارێزگای دیوانیە بووە كە 4 كەس بەهۆی كۆڕۆناوە لە پارێزگایە گیانیان لەدەستداوە.