بێ‌ دەنگی حكومەت و یەكیتی زانایان و ەزارەتی ئەوقاف چی لەژێرەوە دەگوزەرێ؟!
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

بێ‌ دەنگی حكومەت و یەكیتی زانایان و ەزارەتی ئەوقاف چی لەژێرەوە دەگوزەرێ؟!

بێ‌ دەنگی حكومەتی هەرێم ناسراو بەخاوەن خیتابی (پیگەوە ژیان) و وەزارەتی ئەوقاف و یەكیتی زانایان و مامۆستیانی ئایینی لەكوردستان، بەرامبەر بەو بێ‌ ڕێزییەی سەرۆكی زەردەشتیەكان بەدەنگ و ڕەنگ كردی بەئیسلام و سەركردەی كورد صلاح الدین، گوتی: (((ئیسلام ئایینی ڕەش و بت پەرستی ))) ، (((خیانەتكاری سەركردەی كورد صلاح الدین ڕۆژانە سێ‌ تفی لێ‌ دەكەم)))، هەمومان دەخاتە ژێر پرسیاری گەورە! ئایا ئەگەر ئەم بێ‌ ڕێزیە بەرامبەر مەسیحیەك، یان جولەكەیەك، یان هەر ئاینێكی تر بكرابایە بێ‌ دەنگ دەبون؟؟؟ یان ئایا بەفعلی ئەم كەسە بەدەنگ و ڕەنگ بەڕۆژی ڕوناك خۆتان ڕێتان پێ‌ داوە؟ یان صلاح الدین كەفەخرو شانازیە بۆ كورد بەسەركردەی خۆتانی نازانن؟

ئەگەر بەسەركردەیەكی ئەمڕۆ كرابایە دەیان مەلاتان بۆ سزا نەدەدا؟

یان ئێوە لەئێستاوە سودی سیاسی لەدژە پێگەوە ژیان دەبینن؟

بۆیە دەتانەوەی پێگەوە ژیان تێك بچێت و نان و پیازی پێ‌ بخۆن؟ یان چەندان شت ژێر بەژێر هەیە بۆ بەزەردەشتی كردنی میللەتی كوردی موسڵمان؟؟؟

یان ژێراو ژێر ڕێك كەوتون ئیشتان بەم كارە قیزەونەیە؟؟؟ لەگەڵ چەندان پرسیار گەلی تر كە ئەم بێ‌ دەنگیە لەخۆی دەگرێت؟؟؟!

بۆیە لێرەوە داوا دەكەم:

1- حكومەتی هەرێم بەیاننامەی فەرمی دەركات دژی ئەم بێ‌ ڕێزیەو بكەرەكانی سزا بدات. 2- یەكیەتی زانایان ڕو لەسەرۆكی زەردەشتیەكان بكات، بەزوترین كات داوای لێبوردن بكەن، ئەگەرنا لەڕێی مینبەرەكانەوە ئەم چەواشەكاریە ڕاستبكرێتەوە.

3- وەزارەتی ئەوقاف ناوی خۆی گۆڕی لەكاروباری ئیسلامی بۆ كارو باری ئایینی، بۆ ئەوەی ببێتە ڕەمزی پیگەوە ژیانی ئایینەكان لەكوردستان، بەڵام دەیان مەلای سزا داوا لەسەر تەنها هەڵوێستێك، خیرە ئێستا بێ‌ دەنگە لەبەرامبەر نوینەرایەتیە ڕاستەقینەكەی خۆی كەئیسلامە، وە لەبەرامبەر ڕەمزی كوردو كوردایەتی كە صلاح الدین ئەیوبیە.

4- مامۆستایانی ئایینی لەسەریان واجبە ئەم چەواشەكاریە ڕاست كەنەوە، چونكە ئیسلام دژی بت پەرستیە، ئەگەر بەم كارەی خۆیان هەلنەستن ئەوە خیانەتمان لەخۆمان و دین و دواڕۆژمان كردوە.

تێبینی: لەوەتەی ئیسلام هاتۆتە كوردستان پێگەوە ژیان دروست بوە، تەعجیل و عەنكاوەو هەرمۆتەوو شەنگال و تەواوی ئایین و ئاینزاكان لەم كوردستانە پێگەوە ژیاون، پەرستگایان هەبوەو موسڵمان و ئایینەكانی تر جیرانی یەكتر بون، لەكاتێكدا ئیسلام دەسەڵاتدار بوەو زۆرێنە بوە، ئینجا قەبوڵی هەموانی كردوە.

 

هه‌واڵی گرنگ