وەکو پشکەک ژ پاقژیێ و تافیلکرنێ، پتریا ژنان رادبن ب شووشتنا هەموو جورێن خوارنێ بەری کەلاندنا وان،بەلێ هندەک خوارن هەنە هەکە تو بشووی دێ زیانێ ل ساخلەمیا تەکەن و تامێ ژی ژێ نابینی، ل ڤێرێ دێ هندەک ژوان خوارنا دیارکەین کو باشترە بەری کەلاندن و لێنانێ نەهێنە شووشتن:
1-هێک: دەمێ تو هێکێ دشووی، تیڤلێ هێکێ کاردکەت کو بەکتریا بچنە دناڤدا، دەمێ تو نەچاردبی بشووی، باشترە ب ئاڤا گەرم بشووی و ئاڤ یا ب هێزنەبیت.
2- گۆشت: دەمێ تو گۆشتی د حەوزا لێنانگەهێ ڤە دشووی، دبیتە ئەگەر بەکتریا بو هەموو جهان بهێنە ڤەگۆهاستن و بچنە دناڤ ئامانا و کەرستێن لێنانگەهێ و هەتا جلکا و لەشی ژی، هەروەسا دێ تاما خوە ژی ژدەست دەت و ژ بەکتریا ژی ب دووماهی ناهێت، چونکو هندەک جورێن بەکتریا ب تنێ ب رێکا گەڕماتیەکا بلند دهێنە ژناڤبرن.
3- مریشک: ئەڤە ل سەر مریشکێ ژی دهێتە بجهئینان، دبیتە ئەگەر بەکتریا ل هەموو لێنانگەهێ بەلافببن و رێکا نموونە بو خو ژێ قورتالکرنێ باش بهێتە کەلاندن، هەروەسا تو دشێی نیموکێ و خەلێ بو شووشتنا مریشکێ ب کاربینی، ئەو دێ هاریکاریێ کەن بو پاقژکرنێ و پاش باش ب ئاڤێ بشوو.
4- مەعکەرون: ئەو پێدڤی ب شووشتنێ ناکەن بەری کەلاندنێ، هەکە تو بشووی ئاڤ دێ بیتە ئەگەر کو قاتێ نشایێ نەمینیت و پاش تو نەشێی ساسێ ل سەر زێدەکەی.
5- کڤارک: شووشتنا وی دبیتە ئەگەر خراب ببن و تاما وان نەمینیت، هەکە تە حەزا شووشتنێ هەبوو، بەری کەلاندنێ ئێکسەر بشوو و هشک بکە و راستەوخو بدانە سەر ئاگری.
6- زەرزەواتێن جەمەدگرتی: زەرزەواتێن جەمەدگرتی دئامادەنە بو لێنانێ، لەورا باشترە ئێکسەر ژ فریزەری دەربێخی و بکەیە د قازانێ دا و نەهێلە ب رێکا ئاڤێ جەمەدێ وێ بحەلینی.