دەستدانا هەستا بێهنکرنێ ئێكە ژوان ئاریشێن كو تووشبوویێن كۆڕۆنایێ پشتی چاكبوونا وان ژێ دناڵن، بۆ ڤێ مەرەمێ تایبەتمەندێن ڤی بواری چاڤەڕێی ئەنجامێا تاقیکرنانن.
ل دەستپێکێ وەسا دهاتە بەحسکرن، كو ژ دەستدانا هەستا بێهنکرنێ ئێکە ژ نیشانێن تووشبوونێ ب كۆڤید – 19، پاش بەحسێ وێ دهاتەکرن، كو چاكبوویێن وێ تاكو دەمەکێ زۆر ئەو هەست بۆ ناڤەگەڕیتەڤە.
د ڤی واری دا (كریسی كیلی) دامەزرێنەرێ دەزگەهێ (ئەی بی سێنت) ل بەریتانیا دبێژیت، نوکە ب رێکا ئەلكترۆنی هاریكاریا ئەوان کەسان دكەن كو هەستێ بێهنکرنێ ژ دەستدایە ژ ئەگەرێ كۆڤید – 19، هەتا ب هەر شێوەیەكی بیت ئەوێ هەستێ بۆ ڤەگەرینەڤە.
تایبەتمەند دبێژن، ئەوا دکەن چارەسەری نینە، بەڵكو ڕێکەكە هەتا بشێن ب وێ ڕێکێ هەستا بێهنکرنێ ڤەگەریننەڤە، ئەوژی ب رێکا چارەسەریا سروشتیا بێهنکرنێ، د گەل چار جۆرێن زەیتێ (گول و نیمۆک و قەرنەفل و ئۆكالبتۆس)،
کو ب هەموویان فشارێ ل سەر دفنێ دروست دكەن بۆ هندێ ئەو هەست كارێ خوە بكەت.
تایبەتمەند داخازێ ژوان کەسان دكەن كو تووشبوویێن كۆڤید – 19 نە و هەستا بیێهنکرنێ ژ دەستدایە، رۆژانە دو جارا هەر جارێ و (20) چركا و ب بەردەوامی وی شووشەی بێهن بكەن، دشێن ژی جار جار بێهنا وێ ب گۆهوڕن ب بێهنا قەهوێ.