بچووك كردنەوەی گەدە چییەو چۆنە ؟؟
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

بچووك كردنەوەی گەدە چییەو چۆنە ؟؟

 

 

بچووك كردنەوەی گەدە ڕێگایەكی زۆر باشە بۆ چارەسەری ئەو كەسانەی بەدەست قەڵەویەوە دەناڵن و سەركەوتوو نابن لە دابەزاندنی كێشیان بە ڕێگاكانی تر.

بە بەكارهێنانی نازووری سك لە ڕێگەی چەند كوونی بچووكەوە ئەو نەشتەرگەرییە ئەنجام دەدرێت، بە نزیكەیی (80%) ی گەدە دەبڕدرێ، پاشان كێش دەست بە دابەزین دەكات لە شەش مانگی یەكەم رێژەیەكی زۆری كێشی كەم دەكات و بەردەوام دەبێت تا نزیكەی (18) مانگ ڕێژەی (65 – 75%) ی كێشی زیادی دادەبەزێت.

جگە لە بەخشینی لەش و لاری جوان و نەمانی قەڵەوی، بەشێكی زۆر لە نەخۆشەكان لە شەكرەی جۆری دووەم و زیاد بوونی فشاری خوێن رزگاریان دەبێت و چیتر دەرمان بەكار ناهێنن، نەمانی قەڵەوی دەبێتە هۆی كەمكردنەوەی ڕێژەی تووش بوون بە نەخۆشیەكانی دڵ و منداڵ نەبوون و شێرپەنجە.

ئەو نەشتەرگەرییە ئەنجام دەدرێ بۆ ئەو نەخۆشانەی كە رێژەی بارستەی لەشیان لە سەرووی (40) ە، ئەو ڕێژەیە دەردەچێت لە ئەنجامی دابەشكردنی كێشی لەش بە كیلۆگرام بەسەر دووجای باڵای لەش بە مەتر، یاخود رێژەی بارستەی لەش لە (35) ە، بەڵام نەخۆشەكە لە هەمان كاتدا شەكرەو زیاد بوونی فشاری خوێنی هەیە، یان دووچاری كێشەو داخورانی جومگەی ئەژنۆكانی بوە بە هۆی زۆری كێشیەوە.

ئەوانەی ئەو نەشتەرگەریەیان بۆ ئەنجام دەدرێ نابێت قەڵەویەكەیان بە هۆكاری بەكارهێنانی دەرمان یان نەخۆشی وەك تێكچوونی هۆرمۆنەكان بێت.

(د. شێركۆ عەباس نادر – پسپۆڕی نەشتەگەری و نەشتەرگەری بەنازوور)

هه‌واڵی گرنگ