سەرۆك وەزیرانی عێراق لەسەر پرسی وانەبێژان بەڵێنێك دەدات و ڕایدەگەیەنێت: نابێت هیچ لایەنێكی سیاسیی یان كەسێك لەسەر حسابی ئێوە موزایەدە بكات، كێشەكەتان چارەسەر دەكەین.
مستەفا كازمی سەرۆك وەزیرانی عێراق لەلاپەرەی خۆی لەتۆڕی كۆمەڵایەتی تویتەر نوسیویەتی: رۆڵەكانمان لە وانەبێژان بەجێتان ناهێڵین بەبێ مسۆگەركردنی دادگەریی بۆتان و ڕێگەش نادەین هیچ لایەنێكی سیاسیی یان كەسێك لەسەر حسابی ئێوە موزایەدە بكات.
سەرۆك وەزیرانی عێراق ئەوەشی خستەڕوو: هەوڵمان دا لەڕێگەی بودجەوە كێشەكەتان چارەسەر بكەین و بابەتەكەتان لە دانیشتنی ئەنجومەنی وەزیراندا تاوتوێ دەكرێت بۆ دۆزینەوەی چارەسەرێك.