یەکەم رۆژی مانگی رەمەزان و جەژن لە هەرێم دیاری دەکرێت
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

یەکەم رۆژی مانگی رەمەزان و جەژن لە هەرێم دیاری دەکرێت

سەبارەت بە دیاریکردنی یەکەم ڕۆژی مانگی ڕەمەزانی پیرۆز وتەبێژی وەزارەتی ئەوقافی هەرێم ڕایدەگەیەنێت" تا ئێستا هیچ ڕۆژێکیان وەک یەکەم ڕۆژی ڕەمەزان دیاری نەکردووە".

له‌مباره‌یه‌وه‌ نەبەز ئیسماعیل وتەبێژی وەزارەتی ئەوقاف و کاروباری ئاینی حکومەتی هەرێمی کوردستان لە لێدوانێکدا لەبارەی دیاریکردنی یەکەم ڕۆژی مانگی ڕەمەزان ڕايگەیاندوه‌": ئێوارەی ڕۆژی یەکشەممە ١١ی نیسانی ٢٠٢١ لیژنەی باڵای بینینی مانگ بە هەماهەنگی لەگەڵ لیژنە لاوەکییەکانی پارێزگاکانی هەرێم (سلێمانی، هەولێر، دهۆک، هەڵەبجە، ئیدارەی گەرمیان) لەگەڵ وەقفی سوونی عێراقی و وڵاتی عەرەبستانی سعودی کۆدەبنەوە، بۆ دیاری کردنی یەکەم ڕۆژی مانگی ڕەمەزانی پیرۆز".

ناوبراوئاماژەی بەوەشکردوه‌" ئەگەر مانگ لە ئاسمانی هەرێم بینرا، ڕۆژی دووشەممە ١٢ی نیسان دەبێتە یەکەم ڕۆژی ڕەمەزان، ئەگەر مانگ نەبینرا ئەوە سێشەممە ١٣ی نیسان وەک یەکەم ڕۆژی مانگی پیرۆزی ڕەمەزان دیاری دەکرێت".
 
ئه‌وه‌شی خستۆته‌روو: ئەوەی کە ئێستا باسەکرێت تەنها قسەی فەلەکناسانە و لای ئێمە پشتڕاست کراو نییە، چونکە ئێمە لیژنەیەکی تایبەتمان هەیە کە دەبێت لە ڕووی شەرعییەوە مانگ بە بەڵگە ببینرێت، هیچ کەس و لایەنێک بۆی نییە دەستنیشانی یەکەم ڕۆژی ڕەمەزان بکات.

هاوکات وتەبێژەکەی وەزارەتی ئەوقاف و کاروباری ئاینی لەبارەی دیاریکردنی یەکەم ڕۆژی جەژنی ڕەمەزان بە ماڵپەڕی (سپی) وتوه‌:" ئێوارەی ڕۆژی ٢٨ی ڕەمەزان لیژنەکە بە هاوئاهەنگی لەگەڵ ئەوقافی پارێزگاکانی هەرێمی کوردستان و ئیدارەکان دووبارە کۆدەبێتەوە و بڕیاری کۆتایی لەبارەی دیاریکردنی یەکەم رۆژی جەژنی ڕەمەزان دەدات، ئەگەر مانگ بەبەڵگەوە نەبینرێت ئەوا ڕەمەزان ٣٠ ڕۆژ تەواو دەکات ئەگەر بەبەڵگەوە بینرا ئەوە ڕەمەزان دەبێتە ٢٩ ڕۆژ".

هه‌واڵی گرنگ