پەرلەمانتارێن عێراقێ‌ هوشداریێ ژ ئەنجامدانا ساختەكاریێ‌ د هەلبژارتنێن پێشوەخت دا ددەن
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

پەرلەمانتارێن عێراقێ‌ هوشداریێ ژ ئەنجامدانا ساختەكاریێ‌ د هەلبژارتنێن پێشوەخت دا ددەن

پەرلەمانتارێن عێراقێ‌ هایداریێ‌ ژ ئەنجامدانا ساختەكاریێ‌ دهەلبژارتنێن پێشوەختە دا ددەن.

پەرلەمانتارێن كوتلێن جیاوازێن پەرلەمانێ‌ عیراقێ‌، هایداریێ‌ لدور ئەنجامدانا ساختەكاریێ‌ دهەلبژارتنێن بهێت یێن عیراقێ‌ ددەن، بریارە ل تشرینا ئێكێ‌ یا بهێت بێنە ئەنجامدان، وخویا دكەن: چێدبیت هەلبژارتنا بەروەخت بێتە پاشخستن بو دەمەكێ‌ دیكە، ئەڤە ژی ب ئەگەرێ‌ تەمام نەكرنا كارێن لوجستی یێن پێدڤی بو ئەنجامدانا هەلبژارتنان.

ژلایێ‌ خوڤە، باسم خشان ئەندامێ‌ پەرلەمانێ‌ عیراقێ‌ راگەهاندیە: چێدبیت هەلبژارتن لدەمێ‌ دیاركریێ‌ خودا برێڤە نەچن، ودبێژیت: لایەنێن پەیوەندیدار بو برێڤەبرنا كارێن هەلبژارتنان د لاوازن، وگوت: ساختەكاری ژی دڤی كاریدا یا دوور نینە.

ژلایەكێ‌ دیڤە، حامد موسەوی ئەندامێ‌ پەرلەمانێ‌ عیراقێ‌ ژهەڤپەیمانیا فەتح راگەهاندیە: پێدڤیە هەلبژارتن ژدەستێوەردانێن ئەمریكا ب دوور بن، ویان ژی ل جڤاتا ئاسایشێ‌ بێنە پاراستن، چونكی دێ‌ بیتە ئەگەرێ‌ ژدەست دانا نەزاهێ‌ دهەلبژارتنان دا.

بەشەك ژپەرلەمانتارێن دی ژی دبێژن: ئەگەر بێت وهەلبژارتن توشی مەترسیا ساختەكاریێ‌ ببیت، پێدڤییە ل وی دەمیدا ب دەستی دەنگان لێكجودا بكەن.

هه‌واڵی گرنگ