بەریتانیا: بۆ ماوەى ١٠ رۆژ بۆردومانی چیای مەخموریان کردووە
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

بەریتانیا: بۆ ماوەى ١٠ رۆژ بۆردومانی چیای مەخموریان کردووە

وەزارەتی بەرگری بەریتانیا رایگەیاند، لە چوارچێوەی هەماهەنگی لەگەڵ هێزەکانی وشکانی عێراق لەماوەی ١٠ رۆژدا، چەندین بۆردومانی 'سەرکەوتوومان' لە ناوچەکانی باکوری عێراق ئەنجامداوە، کە تێیدا مۆڵگە و حەشارەگەکانی داعشیان کردووەتەوە ئامانج.

وەزارەتی بەرگرى بەریتانیا ئاماژەى بەوەشکردووە، هێزە عێراقییەکان هەڵمەتی راوەدونانی داعشیان لە چیای مەخمور دەسپێکرد و هێزەکانی ئاسمانی بەریتانیاش بۆردومانیانکردن.

راشیگەیاندووە، ئۆپراسیۆنەکە لە ٢٢ی مانگی رابردووەوە دەستیپێکردووە، پاش ئەوەی ژمارەیەک مۆڵگە و حەشارەگەی داعش لە چیای مەخمور دەستنیشانکران و بەسەرکەوتووانە بۆردومانکران.

باسی لەوەشکردووە، لە نزیک سنوری سوریا بە فڕۆکەی بێفڕۆکەوان بۆردومانی کۆبوونەوەیەکی چەکدارانی داعشیان کردووە.

سەرەڕاى ئەوەى لە ٢٠١٧ەوە کۆتایی ڕێکخراوی داعش لە عێراق راگەیاندراوە، بەڵام مەترسی جموڵی پاشماوەکانی ئەو رێکخراوە لە عێراق و سوریا بەردەوامە.

هه‌واڵی گرنگ