ل دهۆکێ دەربارەی جیبجیکرنا بڕیارا قەدەغەیا هاتن و چوونێ رونكرنەك دهێتەدان
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

ل دهۆکێ دەربارەی جیبجیکرنا بڕیارا قەدەغەیا هاتن و چوونێ رونكرنەك دهێتەدان

قائیمقامێ دهۆکێ ڕاگەهاند، ئەڤرۆ دەمژمێر ٨ێ شەڤێ دێ ل سنورێ پارێزگەها دهۆکێ قەدەغەیا هاتن و چوونێ کەڤیتە د بیاڤێ جیبجیکرنێ دا و هێزێن ئەولەهیێ دێ هند جادیان دائێخن و خالێن چاڤدێریێ ژی دهێنە دانان.

 

جەهوەر عەلی قائیمقامێ قەزا ناڤەندیا دهۆکێ د کۆنفرانسەکێ ڕۆژنامەڤانی دا ڕاگەهاند، ل دیف ڕاسپاردەیێن ژوورا ئۆپەراسیۆنێن دهۆکێ ئەڤرۆ هەموو دامودەزگەهێن پەیوەندیدارێن دهۆکێ دێ پلانا قەدەغەیا هاتن و چوونێ ل سنورێ پارێزگەهێ جیبجیکەن و ڕێ ب هاتن و چوونا پیادە و تڕۆمبێلان ناهێتەدان ژبلی دەستیردایێن حکومەتێ.

دازانین ژی، کو دێ هێزێن ئەولەهیێ خالێن چاڤدێریێ د ناڤ گەڕەک و جادەیێن سەرەکی دا دانن و هەروەسا تیمێن وان یێن گەروک ژی دکەڤنە ئەرکی دا بۆ جیبیکرنا قەدەغەیا هاتن و چوونێ.

بەحسا وێ یەکێ ژی کر، هەر کەسەک و جهەک پێگیری ڕێنمایان و قەدەغەیێ نەبیت دێ ژ ئالیێ لژینە و هێزێن ئەولەهیێ ڤە دێ ڕاستی ڕێکار و سزایان بیت.

دیارکر ژی، هەرچەندە قەدەغە هەیا دەمژمێر شەشێ سپێدێیە، لێ دێ ڕێ ب جوتیاران هێتەدان بەری سپێدەهیان بەرهەمێن خۆ ببەنە عەلوەیان و بگەهینە جهێن مەبەست.

ئەڤە ژی دەمەکێ دایە، دوهی وەزارەتا ناڤخۆیا هەرێمێ بریاردا ل دەمژمێر هەشتی شەڤێ بۆ شەشی سپێدێ هاتن و چوونێ بکەتە قەدەغە و بریارە ژی ئەڤرۆ هەیا رۆژا 12ی ڤێ مەهێ کار پێ بهێتە کرن.

هه‌واڵی گرنگ