پەیڤدارێ وەزارەتا چاندنیا هەرێمێ ڕاگەهاند، وان گرێبەست بۆ دروستکرنا سێ پرۆژەیان ژ جۆرێ خانیێن شیشەی ل دهۆک و هەولێر و سلێمانیێ ئیمزاکریە .

 

حوسێن حەمە کەریم، بۆ روپەلا فەرمیا پارتی ڕاگەهاندیە، دێ ل هەرێما کوردستانێ سێ پرۆژەیێن مەزن ژ جۆرێ خانیێن شیشەی هێنە دروستکرن، کو دێ ل وەلاتێ هۆلەندا ب رێیا کۆمپانیەکا ئۆردنی هێنە دروستکرن و کارمەندێن وان ژی هەر ل وی وەلاتێ خولەکا ڕاهێنان بۆ هاتیە ئەنجامدان گۆت ژی، ئەگەر بهێنە دروستکرن هەرێم پێدڤی ب بەرهەمێن دەرڤە نابیت .

بەحسا وێیەکێ ژی کر، گرێبەستا وان هەرسێ پرۆژەیان هاتیەکرن و هەر پرۆژەیەک ژی دێ لسەر روبەرێ پێنج هزار دۆنەمێن عەردی هێتە دروستکرن .

ئەو یەک ژی هاتیە، ب دروستکرنا وان سێ پرۆژەیان پێدڤیێن هەرێمێ د ژ ناڤخۆ هێنە تەژی کرن، و هەرێمێ پێدڤی ب بەرهەمێ دەرڤە نابیت، ژبەر کو ئەو پرۆژە بۆ هەرێمێ گەلەک گرنگن.