عێراق ساڵانه‌ (100) هه‌زار دۆنم زه‌وی كشتوكاڵی له‌ده‌ست ده‌دات
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

عێراق ساڵانه‌ (100) هه‌زار دۆنم زه‌وی كشتوكاڵی له‌ده‌ست ده‌دات

به‌پێی ئاماره‌كانی نه‌ته‌وه‌یه‌كگرتووه‌كان، به‌هۆی گۆڕانكاری له‌ كه‌ش وهه‌وا عێراق ساڵانه‌ (100) هه‌زار دۆنم زه‌وی كشتوكاڵی له‌ده‌ست ده‌دات، كه‌ ئه‌مه‌ش له‌ ئه‌نجامی زۆر بەکارهێنانی خاک و بەهۆی دووبارەبوونەوەکانی سیستمی کشتوکاڵ و ئاودێری و خوێکردنی خاکه‌وه‌ رووده‌دات، له‌گه‌ڵ كه‌می باران و كه‌م به‌ردانه‌وه‌ی ئاوی رووباره‌كان.

لەمبارەیەوە د. عه‌لی حه‌نوش، له‌ سه‌نته‌ری لێكۆڵینه‌وه‌ی خاك له‌ زانكۆی موسه‌ننا رایگەیاندووە: كێشه‌ی به‌ بیابانبوونی عێراق پێویستی به‌ به‌رنامه‌یه‌كی نیشتمانی ستراتیژی هه‌یه‌، بۆ ئه‌وه‌ی لێكۆڵینه‌وه‌ له‌سه‌ر پێكهاته‌كانی خاكه‌كه‌ بكرێت و گه‌شه‌ی پێبدرێت.

ناوبراو ئاماژەی بەوەشكردووە: هه‌ندێك بابت هه‌یه‌ پێویست گرنگی زیاتری پێبدرێت، وه‌ك ده‌شتییه‌كان و له‌وه‌ڕگه‌كان، تا بتوانین سوود له‌ له‌ ئاوی ژێرزه‌وی وه‌ربگرین و چاره‌سه‌ری وشكه‌ساڵی پێبكه‌ین و ئاستی به‌ بیابانبوون كه‌م بكه‌ینه‌وه‌.

به‌پێی ماڵپه‌ڕی "موستقله‌"، پسپۆڕانی نه‌ته‌وه‌یه‌كگرتووه‌كان پێیانوایه‌، زیادبوونی به‌ بیابانبوونی خاكی عێراق، به‌هۆی كه‌می باران بارین و كه‌م به‌ردانه‌وه‌ی ئاوی هه‌ردوو رووباری دیجله‌ و فوراته‌ له‌لایه‌ن وڵاتانی دراوسێوه‌، كه‌ رێژه‌ی زه‌وی كشتوكاڵی له‌ عێراق به‌ نیوه‌ كردووه‌.

هه‌واڵی گرنگ