بڕیاردەری فراكسیۆنی یەكگرتووی ئیسلامی كوردستان هەڵدەسێت بە كۆكردنەوەی واژۆ بۆ هەڵوەشاندنەوەی بڕیاری لێبڕینی مووچەو هیچ پەرلەمانتارێكی پارتی نوسراوەكەی واژۆ نەكردووە.

سەرچنار ئەحمەد بڕیاردەری فراكسیۆنی یەكگرتووی ئیسلامی كوردستان بە كوردیوی ڕاگەیاند: توانیمان واژوی 43پەرلەمانتاری پەرلەمانی كوردستان كۆبكەینەوەو ئەمڕۆ ئاراستەی سەرۆكایەتی پەرلەمانی كوردستانمان كرد.

سەبارەت بەهۆكاری كۆكردنەوەی ئەو واژۆیانە، سەرچنار ئەحمەد ووتی: داوای هەڵوەشاندنەوەی لێبڕینی موچە دەكەین بۆ ئەو مەبەستە داوای كردوە پەرلەمان كۆبونەوەیەكی تایبەت بەوپرسە گرێ بدات و هەموو فراكسیۆنەكان واژویان كردوە، بەڵام هیچ پەرلەمانتارێكی پارتی واژوی یاداشتەكەیان نەكردوە بۆهەڵوەشاندنەوەی لێبڕینی موچە.