ڕوونكردنەوەیەك لە سەندیكای پارێزەرانی كوردستانەوە
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

ڕوونكردنەوەیەك لە سەندیكای پارێزەرانی كوردستانەوە


سەندیكای پارێزەرانی كوردستان ڕایدەگەیەنێت: چەند رۆژێك لەمەوبەر لە بەرنامەیەكی كوردستان24، چاوپێكەوتنێك لەگەڵ هاووڵاتییەك كراوە و هاووڵاتییەكە پەنجەی تۆمەت بۆ پارێزەرێك درێژ دەكات گوایە پەیوەندی سۆزداری لەگەڵ هاوسەرەكەی داناوە.

دەقی ڕاگەیەندراوەكە:
چەند رۆژێك لەمەوبەر لە بەرنامەیەكی كوردستان24، چاوپێكەوتنێك لەگەڵ هاووڵاتییەك كراوە و هاووڵاتییەكە پەنجەی تۆمەت بۆ پارێزەرێك درێژ دەكات گوایە پەیوەندی سۆزداری لەگەڵ هاوسەرەكەی داناوە.

بۆ بەرچاو ڕوونیی هەمووان، ئەو خاڵانە دەخەینە ڕوو:

1. نابێت لەپێناوی ڕاكێشانی بینەر و سەرنجڕاكێشانیان، ئامادەكارانی ئەو بەرنامەیە و كەناڵی ڕاگەیاندن بەو شێوەیە ڕەهایە گشت قسەیەكی چاوپێكەوتنە تۆماركراوەكان بخەنە ڕوو، بەتایبەت كە بەشێوەیەكی ناڕاستەوخۆ پردی متمانەی نێوان پارێزەران و بریكاردارەكانیان لەق بكات و گومان و نیشانەی پرسیار بۆ بینەر دروست بكەن.

2.دۆسیەكانی لێكۆڵینەوە و تاوانەكان، پارێزراون و نهێنین و مافی كەسانی تریان بەسەرەوەیە و هەموو تۆمەتبارێكیش بێتاوانە، تا تاوانەكەی لەسەر دەسەلمێندرێت. قسەیەك لێرە و وتەیەك لەوێ، نابێت ببێتە سەنگی مەحەك بۆ تاوانباركردنی هیچ توێژێكی ئەو كۆمەڵگایە.

3.سەندیكای پارێزەرانی كوردستان، بەپێی یاسای پارێزەرایەتیی ژمارە 17ی ساڵی 1999ی هەمواركراو، هەروەكچۆن پشتگیری تەواو لە مافەكانی پارێزەران دەكات، بەهەمان شێوەیش، رێكاری یاساییی لەدژی ئەو پارێزەرانە دەگرێتە بەر، ئەگەر بسەلمێت، پێشێلی یاسا و مافی بریكاردارەكانیان دەكەن.

4. لە كۆتاییی و دوای بەدواداچوونمان، بۆمان دەركەوت ئەو كەسەی كە هاووڵاتییەكە لە بەرنامەكەی كوردستان24 قسەی لەسەر دەكات، ئەندامی سەندیكای پارێزەرانی كوردستان نییە، بەڵكو ئەندامی سەندیكای پارێزەرانی عێراقە و هاووڵاتییەكە ئەگەر بەڵگەی یاساییی ڕاستەقینەی دژی ئەو پارێزەرە هەیە، دەتوانێت جگە لە جوڵاندنی پەڕاوی لێكۆڵینەوە، سكاڵاشی لەسەر تۆمار بكات لە سەندیكای پارێزەرانی عێراق.

هیوادارین لەمەودوا، كەناڵەكانی ڕاگەیاندن بەدیققەتەوە بەرنامەكانیان پێشكەش بكەن و راوێژی یاساییی بە كەسانی یاساییی بكەن پێش پێشكەشكردنی بەرنامەكانیان و ببنە هۆكاری یاریدەدەر بۆ دروستكردنی پردی متمانە لەنێوان ئەندامانی كۆمەڵگا و دروستكردنی رۆحی خۆشەویستیی و پێكەوەییی و تەبایی.

سەندیكای پارێزەرانی كوردستان

هه‌واڵی گرنگ